ԵՐԵՎԱՆ, 25 օգոստոսի– Sputnik. Հայաստանի նախագահ Սերժ Սարգսյանն այսօր ընդունել է Հայաստանի Հանրապետությունում Ուկրաինայի արտակարգ և լիազոր դեսպան Իվան Կուխտային, ով ավարտում է դիվանագիտական առաքելությունը մեր երկրում, հաղորդում է նախագահի մամուլի ծառայությունը:
Զրուցակիցները համոզված են, որ Ուկրաինայում խաղաղության հաստատումը թույլ կտա երկու երկրներին լիարժեք օգտագործել տնտեսության և այլ ոլորտներում առկա հսկայական ներուժը։
Սերժ Սարգսյանը շնորհակալություն է հայտնել դեսպան Կուխտային՝ պաշտոնավարման ժամանակահատվածում հայ-ուկրաինական բարեկամության ամրապնդման գործում ունեցած ներդրման և դիվանագիտական առաքելությունը պատշաճ իրականացնելու համար: Հանրապետության նախագահը հաջողություններ է մաղթել Իվան Կուխտային հետագա գործունեության մեջ: Իվան Կուխտան գոհունակությամբ փաստել է, որ նախօրեին Հայաստանում ուկրաինական համայնքի հետ հանդիպմանը վերստին զգացել է այդ ուշադրությունը և հոգատար վերաբերմունքը, որ տարիներ շարունակ ցուցաբերվում է համայնքի նկատմամբ: Նա վստահեցրել է, որ Ուկրաինայում բնակվող բավականին ակտիվ հայ համայնքի նկատմամբ ևս նույնպիսի վերաբերմունք կա:
Դեսպան Կուխտան շնորհակալություն է հայտնել Հանրապետության նախագահին և ՀՀ պետական բոլոր մարմիններին իր պաշտոնավարման ժամանակահատվածում արդյունավետ համագործակցության և աջակցության համար:
Սարգսյանը և Կուխտան հույս են հայտնել, որ Ուկրաինայում հնարավորինս շուտ խաղաղություն կվերահաստատվի
Բաժանորդագրվել
Սերժ Սարգսյանը և Իվան Կուխտան ընդգծել են, որ ուկրաինացի և հայ ժողովուրդները փոխադարձ հարգանքով են վերաբերվում միմյանց
