ԵՐԵՎԱՆ, 25 օգոստոսի– Sputnik. Հայաստանի սպառողների ասոցիացիան արտասահմանյան կենցաղային քիմիայի որակի վերաբերյալ բողոքներ չի ստացել քաղաքացիներից, երեքշաբթի «Sputnik-Արմենիա» պորտալին ասաց կազմակերպության նախագահ Արմեն Պողոսյանը։
Ռոսպոտրեբնադզորի որոշման համաձայն, Ռուսաստանում արգելվել է որոշ արտասահմանյան ընկերությունների մաքրող և լվացող միջոցների վաճառքն անվտանգության թունաբանական ցուցանիշներին չհամապատասխանելու պատճառով։
«Մինչև հիմա ինձ հայտնի չէ արտասահմանյան մաքրող միջոցների կամ լվացքի փոշիների որակի բողոքելու որևէ դեպք, սակայն եթե մենք նման դիմումներ ստանանք, ապա անհապաղ կարձագանքենք և կդիմենք համապատասխան ատյաններ»,– ասաց Պողոսյանը։
Նա նշեց, որ ասոցիացիան միշտ հանդես է գալիս սպառողների շահերի պաշտպանության օգտին և ողջունում է օրինական և հիմնավորված խստացումները։
«Sputnik-Արմենիա» կայքին չհաջողվեց ներկրվող կենցաղային քիմիայի մասին պաշտոնական տեղեկատվություն ստանալ իրավասու պետական մարմիններից, որոնք զբաղվում են արտադրանքի որակի և անվտանգության հարցերով։
Փորձագետ. հայ սպառողները չեն բողոքում կենցաղային քիմիայի որակից
© Sputnik / Евгений Биятов
/ Բաժանորդագրվել
Արմեն Պողոսյանի խոսքով` Սպառողների ասոցիացիան անհապաղ արձագանքում է քաղաքացիների բողոքներին
