Տեղատարափ անձրևների հետևանքով հեղեղվել է Վրաստանի Փոթի նավահանգստային քաղաքը

ԵՐԵՎԱՆ, 25 օգոստոսի– Sputnik. Երեքշաբթի գիշերը Վրաստանի արևմուտքում գտնվող Փոթի նավահանգստային քաղաքում տեղացած տեղատարափ անձրևների հետևանքով հեղեղվել են քաղաքի կենտրոնական փողոցներն ու բնակիչների տների առաջին հարկերը, հայտնում է «Sputnik-Գրուզիան»` հղում անելով «Ռուստավի 2» հեռուստաընկերությանը։

Փոթիի քաղաքապետարանից հայտնել են, որ քաղաքի բոլոր յոթ պոմպակայանները նորմալ աշխատում են, սակայն առատ տեղումների պատճառով ջուրը չի հասցրել արտահոսել։ Քաղաքի իշխանությունները հայտարարում են, որ ամեն հորդառատ անձրևի ժամանակ քաղաքը հայտնվում է նման խնդիրների առաջ, այդ պատճառով նախատեսվում է կառուցել լրացուցիչ պոմպակայաններ` ապագայում նման խնդիրներից խուսափելու համար։

Տեղաբնակներն օգնություն են խնդրում քաղաքապետարանի ներկայացուցիչներից։