ԵՐԵՎԱՆ, 25 օգոստոսի – Sputnik. Ամսական ավելի քան 3000 քաղաքացի զանգահարում է ՀՀ աշխատանքի և սոցիալական հարցերի նախարարության «114 թեժ գծին», «Sputnik–Արմենիա»–ին ասաց «թեժ գիծ» ծառայության ղեկավար Հասմիկ Սարաջյանը։
«Զանգողների 90%-ը ստանում է իրենց հարցերի սպառիչ պատասխանը։ Մնացած 10%–ը նույնպես ստանում է պատասխանը, սակայն այդ հարցերի լուծումները, որպես կանոն, կապված են ուրիշ գերատեսչությունների հետ։ Զանգերը կապված են շատ տարբեր խնդիրների հետ` կենսաթոշակներ, նպաստներ, ներդրումների փոխհատուցում, զբաղվածության ոլորտ», – ասաց Սարաջյանը։
«Թեժ գիծ» ծառայության եռամյա գործունեության արդյունքներն ամփոփելով` ՀՀ աշխատանքի և սոցիալական հարցերի նախարար Արտեմ Ասատրյանը նշեց, որ արդյունքները գերազանցել են սպասումները։
«Մենք կիրառում ենք ինովացիոն մոտեցումը, որը գործում է աշխարհի տարբեր զարգացած երկրներում։ Այն թույլ է տալիս իջեցնել կոռուպցիոն ռիսկերը, բարձրացնել Հայաստանի քաղաքացիներին տրամադրվող ծառայությունների արդյունավետությունն ու որակը», – ասաց Ասատրյանը։
Նրա խոսքերով` «թեժ գիծ» ծառայության գործունեությունը շատ կարևոր է, քանի որ աշխատակիցները մեծ աշխատանք են տանում քաղաքացիների իրավունքների մասին նրանց իրազեկելու և հետադարձ կապն ապահովելու համար։ Դրա շնորհիվ նախարարությունն իրականացնում է վերահսկողություն և մշակում ռազմավարություն։
«Եթե ուսումնասիրենք զանգերի զարգացման դինամիկան, ապա տարեցտարի դրանք ավելանում են։ «114» համարը գիտեն բոլոր այն քաղաքացիները, ովքեր ունեն սոցիալական խնդիրներ։ Այդ համարով նրանք միշտ ստանում են իրենց հուզող հարցերի պատասխանները», – ասաց Ասատրյանը։
«114 թեժ գիծը» Հայաստանում գործում է 2013 թվականից։
Ամսական ավելի քան 3000 զանգ է ստացվում աշխատանքի և սոցիալական հարցերի նախարարության «թեժ գծին»
© 112Ua
Բաժանորդագրվել
Ծառայությունը նորարարական մոտեցումներ է կիրառում, որի շնորհիվ իջնում են կոռուպցիոն ռիսկերը և բարձրանում է ծառայությունների արդյունավետությունն ու որակը, ասել է ՀՀ աշխատանքի և սոցիալական հարցերի նախարար Արտեմ Ասատրյանը
