Լվացող միջոցների որոշ հայտնի ապրանքանիշեր արգելված են ՌԴ–ում

ԵՐԵՎԱՆ, 25 օգոստոսի – Sputnik. Արտասահմանյան հայտնի արտադրողների մի շարք լվացքի փոշիներ և լվացող միջոցներ արգելված են իրացման համար։ Այս տեղեկությունը հաստատել են Ռոսպոտրեբնադզորի կայքում։

Ավելի վաղ «Կոմերսանտ» թերթը գրել էր, որ Ռոսպոտրեբնադզորը կարգադրել էր հանել վաճառքից որոշ արտասահմանյան արտադրողների լվացող և մաքրող միջոցներ` անվտանգության նկատառումով։

«Մի շարք արտադրողների, այդ թվում` «Հենկել Ռուս» ՍՊԸ, «Նևսկայա կոսմետիկա» ԲԲԸ, «ԵՍՊ–Կոնտրակտ ԳմԲՀ» ՓԲԸ, «Procter&Gamble», «Werner & Mertz GmbH», «Colgate-Palmolive», «The Clorox Company» լվացքի փոշիների ուսումնասիրության արդյունքում պարզվել է, որ այդ ընկերությունների արտադրանքները չեն համապատասխանում թունավոր նյութերի անվտանգության չափորոշիչներին», – ասվում է հաղորդագրության մեջ։

Մյուս արտադրողների տնտեսական քիմիայի և լվացող միջոցների հետազոտությունները շարունակվում են, ավելացրել է գերատեսչությունը։