ԵՐԵՎԱՆ, 24 օգոստոսի – Sputnik. Հայկական դրամը երկուշաբթի ԱՄՆ դոլարի նկատմամբ արժեզրկվեց միանգամից 1,2%, իսկ եվրոյի` 3,1%։
Հայաստանի ԿԲ տվյալների համաձայն` դոլարի միջին շուկայական փոխարժեքը օգոստոսի 24-ի տվյալներով, օգոստոսի 21-ի համեմատ, դրամի նկատմամբ բարձրացել է 5.73 կետով` կազմելով 483.43 դրամ մեկ դոլարի դիմաց, իսկ եվրոյի փոխարժեքն ավելի է բարձրացել` 16.56 կետով` հասնելով 554.83 դրամի։
Փորձագետների կարծիքով` հայկական ազգային արժույթի կտրուկ թուլացումը պայմանավորված է արժույթի համաշխարհային շուկաներում գրանցված բացասական գործընթացներով, մասնավորապես, ռուբլու երկարատև արժեզրկման, չինական յուանի արժեզրկման ֆոնին տենգեյի անկման գործընթացներով։
Ներքին խնդիրների շարքում կարելի է նշել Հայաստանի տնտեսական իրավիճակի վատացումն առաջին կիսամյակի ընթացքում արտաքին առևտրաշրջանառության ծավալների 20,6% (մինչև 2.2 մլրդ դոլարից պակաս) կրճատման և տրանսֆերների 30,5% (մինչև 537,1 մլն դոլար) անկման պատճառով, ինչը բացասական սպասումներ է ձևավորում հայկական արժույթի նկատմամբ։
Դրամը մեկ օրում դոլարի նկատմամբ արժեզրկվել է միանգամից 1,2%–ով, իսկ եվրոյի` 3,1%–ով
Բաժանորդագրվել
Հայկական ազգային արժույթի կտրուկ թուլացման պատճառները փորձագետները տեսնում են արժույթի համաշխարհային շուկաներում գրանցված բացասական երևույթների, ինչպես նաև երկրում ներտնտեսական իրավիճակի վատթարացման մեջ
