ԵՐԵՎԱՆ, 24 օգոստոսի – Sputnik. ՌԴ քաղաքների ավելի քան 1.5 մլն լուսանկարներ կամ շուրջ 400 հազար համայնապատկերներ ավելացվել են «Յանդեքս.Քարտեզներ»–ի ծառայության մեջ, հայտնում են «Յանդեքս» բլոգում տեղադրված նյութերը։
«Այժմ համայնապատկերները համալրվել են վերջին տարիներին կառուցված շինություններով` նոր տներ և նորակառույցների թաղամասեր, առևտրային կենտրոններ ու սպորտային համալիրներ, գրադարաններ ու կայարաններ։ Կազանում կարելի է զբոսնել Ունիվերսիադայի տարածքով, Օմսկում` ուսումնասիրել ֆուտուրիստական ապակե տաղավարները, որոնք վերանորոգումից հետո հայտնվել են քաղաքի գլխավոր փողոցում, իսկ Սոչիում` անցնել Սքայպարկի կախովի կամրջով, որը բացվել է 2014 թվականին», – նշվում է հաղորդագրության մեջ։
Հաղորդագրության մեջ ասվում է նաև, որ որոշ տեսարժան վայրեր, որոնք արդեն վաղուց գոյություն ունեն, հայտնվել են «Յանդեքս.Քարտեզներ»–ում առաջին անգամ։ Նոր համայնապատկերները ներառում են մի շարք հետիոտնային լուսանկարներ։ Քայլելու ընթացքում արված տեսարժան վայրերի լուսանկարների շարքում են Վոլգա–Դոնի ջրանցքի մոտ Լենինի` աշխարհում ամենամեծ արձանը (և ամենատարօրինակը Ելաբուգում), Մամաևյան բլրի հուշահամալիրը, Տոյմա գետի վրա գտնվող հնադարյան միջնաբերդի Չյորտովո քաղաքի աշտարակները և շատ այլ կառույցներ։
Ինչպես նշված է նյութերում, համայնապատկերների որակն աճել է 10 անգամ` 10-ից դառնալով 100 մեգապիքսել, այդ պատճառով լուսանկարներում երևում են ոչ միայն խոշոր տարրերը, այլ նաև մանր դետալները։
Համայնապատկերային լուսանկարները սկսել են տեղադրվել «Յանդեքս.Քարտեզներ»–ում 2009 թվականից։ Ընդ որում, առաջինը Մոսկվայի համայնապատկերներն են հայտնվել։
ՌԴ քաղաքների ավելի քան 1.5 մլն լուսանկար համալրել է «Յանդեքս.Քարտեզներ»–ը
16:36 24.08.2015 (Թարմացված է: 17:59 24.08.2015)
© Sputnik / Рамиль Ситдиков
/ Բաժանորդագրվել
«Յանդեքս.Քարտեզներ»–ի համայնապատկերը համալրվել է քայլելով արված նկարահանումներով։ Այժմ օգտատերերը, նախագծի հեղինակների խոսքերով, կկարողանան զբոսնել Կազանի Ունիվերսիադայի տարածքով, իսկ Սոչիում` անցնել Սքայպարկի կախովի կամրջով
