Երևանցիներն ու մայրաքաղաքի հյուրերը կարող են մասնակցել գարեջրի փառատոնին

ԵՐԵՎԱՆ, 22 օգոստոսի – Sputnik. Գարեջրի ավանդական փառատոնը կանցկացվի շաբաթ օրը երեկոյան Կարապի լճի հարևանությամբ, հաղորդում է քաղաքապետարանի մամուլի ծառայությունը։

Արդեն երկրորդ փառատոնին կներկայացվեն հայկական գարեջրային շուկայի առաջատար ընկերությունները, քաղաքի գարեջրատները, սրճարաններն ու փաբերը,  կլինի համերգային հագեցած ծրագիր ու բազում անակնկալներ։

Միջոցառման նպատակն է հանրությանը ներկայացնել հայկական գարեջրի լավագույն ավանդույթները, գարեջրի արտադրման շուկայում եղած նորամուծությունները, նոր ապրանքատեսակները, խթանել քաղաքային և միջոցառումային տուրիզմի զարգացումը: