ԵՐԵՎԱՆ, 20 օգոստոսի–Sputnik. Հայաստանից արտահանված 200 կգ թառափը ոչնչացրել են Սոչիի օդանավակայանի անցակետի տարածքում, նշվում է Ռոսսելխոզնադզորի Կրասնոդարի երկրամասի և Ադիգեայի Հանրապետության վարչության էջում։
«Ռոսսելխոզնադզորի Կրասնոդարի երկրամասի և Ադիգեայի Հանրապետության վարչության անասնաբուժական վերահսկողության տեսուչներն ատեստավորված ձեռնարկությունների ռեեստրում պատրաստող ձեռնարկության անվան բացակայության պատճառով, սահմանային անասնապահական վերահսկողություն իրականացնելիս, Սոչիի օդանավակայանում առգրավել են Հայաստանի Հանրապետությունից տեղափոխված 200 կգ թառափը, որը պետք է տեղափոխվեր Սոչի քաղաք «ԻԿԱ» ԲԲԸ–ի հասցեով»,– նշվում է հաղորդագրության մեջ։
«Հաշվի առնելով ԵՏՄ–ի պահանջներն ու տեղափոխող ձեռնարկության հայտարարությունը` որոշում է ընդունվել ոչնչացնել այս արտադրանքը ջերմային վառարանում` «Սոչիի միջազգային օդանավակայան» ՍՊԸ–ի անցակետի տարածքում», – նշել են Ռոսսելխոզնադզորից։
Հաղորդագրության մեջ նշվում է, որ ԵՏՄ–ին անդամակցելու կապակցությամբ պետական անասնաբուժական վերահսկողությանը ենթակա ապրանքների ներկրումը Ռուսաստանի Դաշնության տարածք իրականացվում է ԵՏՄ–ի նորմատիվային փաստաթղթերի համաձայն և այն ձեռնարկություններից, որոնց ցանկը հրապարակված է ssfs.am էլեկտրոնային հասցեով։
«Բացի այդ, պարզաբանում ենք, որ մինչև Հայաստանի անասնաբուժական վերահսկողությանը ենթակա օբյեկտների ստուգումների իրականացման ավարտը, որոնք վերաբերում են ՌԴ–ի տարածք մատակարարումներ իրականացնելուն, Ռուսաստանի տարածք կարող է ներկրվել միայն այն հայկական ձեռնարկությունների անասնաբուծական արտադրանքը, որոնց ցանկը հրապարակված է Ռոսսելխոզնադզորի կայքում և որոնք ներառված են Հայաստանի Հանրապետության ռեեստրում», – նշվում է կայքում հրապարակված հաղորդագրության մեջ։
Սոչիում ոչնչացրել են Հայաստանից արտահանված 200 կգ թառափը
CC BY-SA 3.0 / Herriot Guy / Corégone
Բաժանորդագրվել
Հաշվի առնելով ԵՏՄ–ի պահանջներն ու տեղափոխող ձեռնարկության հայտարարությունը` որոշում է ընդունվել արտադրանքը ոչնչացնել ջերմային վառարանում` «Սոչիի միջազգային օդանավակայան» ՍՊԸ–ի անցակետի տարածքում
