ԵՐԵՎԱՆ, 20 օգոստոսի– Sputnik. Հայաստանը մտել է աշխարհի երկրների տասնյակի մեջ, որտեղ կանայք գերակշռում են տղամարդկանց նկատմամբ։ Այդ մասին վկայում են ժողովրդագրական տվյալները` հրապարակված 2015թ. ՄԱԿ «World Population Prospects» զեկույցում։
Այդ տվյալների համաձայն, Հայաստանը ցուցակում զբաղեցնում է 7–րդ տեղը, երկրում միջինում 100 տղամարդկանց բաժին է ընկնում 115 կին։
Հատկանշական է, որ կին բնակչությունը գերիշխում է տղամարդկանց նկատմամբ հետխորհրդային տարածքի բոլոր երկրներում։ Այսպես, Ռուսաստանում, որը ցուցակում զբաղեցնում է 8–րդ տեղը, միջինում 100 տղամարդկանց բաժին է ընկնում 115 կին, Ուկրաինայում` գրեթե 116 կին (6–րդ տեղը)։ Նման իրավիճակ է նկատվում նաև Վրաստանում, Ադրբեջանում և Թուրքիայում։
Կին բնակչության գերակշռությամբ ցուցակում առաջին տեղը զբաղեցնում է Մարտինիկան, որտեղ 100 տղամարդուն բաժին է ընկնում 118 կին։ Առաջատարների եռյակի մեջ մտնում են նաև Լատվիան և Լիտվան, որտեղ 100 տղամարդկանց բաժին է ընկնում համապատասխանաբար 118 և 117 կին։
Հակառակ իրավիճակն է նկատվում Պարսից ծոցի երկրներում, ինչպես նաև Չինաստանում, Հնդկաստանում, Աֆղանստանում, Պակիստանում։ Այսպես, ԱՄԷ–ում 100 կանանց միջինում բաժին է ընկնում 274 տղամարդ, Քաթարում` 265, Օմանում` 197, Բահրեյնում` 163, Սաուդյան Արաբիայում` 130։
Պետք է նշել, որ աշխարհում, ընդհանուր առմամբ, տղամարդկանց թիվը գերազանցում է կանանց թիվը։ 2015թ.–ի ՄԱԿ–ի տվյալների համաձայն, աշխարհում 100 կանանց միջինում բաժին է ընկնում 102 տղամարդ։
ՄԱԿ–ի «World Population Prospects» զեկույցը տրամադրում է ժողովրդագրական տվյալներ և ցուցանիշներ` ազգաբնակչության շարքում գլոբալ, տարածաշրջանային և ազգային մակարդակներում միտումների գնահատման համար, ինչպես նաև այլ առանցքային ցուցանիշների հաշվարկի համար։
Հայաստանն ընդգրկվել է աշխարհի երկրների «կանացի» թոփ 10–յակում
14:33 21.08.2015 (Թարմացված է: 14:45 21.08.2015)
© Sputnik / Асатур Есаянц
Բաժանորդագրվել
Հայաստանը ցուցակում զբաղեցնում է 7–րդ տեղը, երկրում միջինում 100 տղամարդկանց բաժին է ընկնում 115 կին
