ԵՐԵՎԱՆ, 21 օգոստոսի – Sputnik. ՄԻԱՎ բռնկում է գրանցվել «Իսլամական պետություն» ահաբեկչական խմբավորման գրոհայինների շարքերում Սիրիայի արևելքում, վարակվածների մեծամասնությունն օտարերկրացի վարձու գրոհայիններ են, հայտնում է ARA News անկախ սիրիական գործակալությունը։
Գործակալության տվյալներով` ոչ պակաս, քան ՄԻԱՎ վարակման 16 դեպք կա Մեյադին քաղաքում տեղակայված գրոհայինների շարքերում։ Նրանք տեղական հիվանդանոցի կարանտինի ռեժիմում են։
Բրիտանական Daily Mail թերթը, հղում անելով ակտիվիստների տեղական հակաահաբեկչական խմբի ներկայացուցիչներին, հայտնել է, որ ԻՊ ղեկավարները ստիպում են ՄԻԱՎ վարակակիրներին մահապարտ ահաբեկիչներ դառնալ։
ՄԻԱՎ վարակակիրներն այդքան էլ սակավաթիվ չեն ԻՊ գրոհայինների շարքերում, նրանցից շատերը թմրանյութերից կախվածություն ունեն կամ քրեական անցյալ ունեն։ Հիվանդությունն արագ է տարածվում, քանի որ ծայրահեղականների զավթած տարածքներում բազմակնությունը և սեռական ստրկությունը տարածված է։
«Իսլամական պետություն» ահաբեկչական խմբավորումն այսօրվա դրությամբ համաշխարհային անվտանգության գլխավոր սպառնալիքներից մեկն է։ Երեք տարիների ընթացքում ահաբեկիչներին հաջողվել է զավթել Իրաքի և Սիրիայի զգալի տարածքները։ Բացի այդ, նրանք փորձում են իրենց ազդեցությունը տարածել Հյուսիսային Աֆրիկայի երկրներում, մասնավորապես` Լիբիայում։
ՄԻԱՎ է հայտնաբերվել ԻՊ վարձու գրոհայինների մոտ
© Sputnik / Павел Лисицын
/ Բաժանորդագրվել
ԶԼՄ–ների հաղորդմամբ` ՄԻԱՎ վարակակիրների հիմնական մասը կազմում են արտասահմանյան վարձու գրոհայինները, վարակվածներից շատերը թմրանյութից կախվածություն ունեն։ Հիվանդությունը տարածվում է նաև բազմակնության և սեռական ստրկության «շնորհիվ»
