ԵՐԵՎԱՆ, 21 օգոստոսի– Sputnik. Հունաստանի վարչապետ Ալեքսիս Ցիպրասի հայտարարած արտահերթ ընտրությունները չեն ազդի ֆինանսական օգնության ծրագրի վրա, որի մասին Աթենքը պայմանավորվել է վարկատուների հետ, ուրբաթ հայտարարել է Եվրախմբի աշխատանքային խմբի ղեկավար Թոմաս Վիզերը։
Ավելի վաղ Ցիպրասը հայտարարել է հրաժարականի և արտահերթ խորհրդարանական ընտրություններ անցկացնելու մասին։ Ցիպրասն ընտրությունների ամսաթիվը չի նշել, բայց ենթադրվում է, որ դրանք տեղի կունենան սեպտեմբերի 20–ին։ Ցիպրասը գլխավորել է Հունաստանի կառավարությունը յոթ ամիս առաջ 2015թ.–ի հունվարի 25–ին արտահերթ խորհրդարանական ընտրություններում ՍԻՐԻԶԱ արմատական ձախակողմյան կոալիցիայի հաղթանակից հետո։
«Ոչ, դա իսկապես սպասելի քայլ էր, իսկ շատերի համար` ցանկալի քայլ, որը կապահովի հունական կառավարության կառուցվածքի թափանցիկությունը։ Հոկտեմբերին մենք հանդիպում կունենանք պարտքի հնարավոր մասնակի դուրս գրման հարցով հանդիպում, և սեպտեմբերի 20–ի ընտրություններից հետո մենք ծրագրի հետագա հաջող իրականացման հույս ունենք»,– մեջբերում է Ռոյթերս գործակալությունը Վիզերի հայտարարությունը։
Հունաստանին երրորդ ֆինանսական օգնության մասին համաձայնագրի վավերացման համար քվեարկության ժամանակ ՍԻՐԻԶԱ կուսակցության ձախ թևը հանդես է եկել կառավարության քաղաքականության դեմ` մեղադրելով Ցիպրասին նախընտրական խոստումները խախտելու և վարկատուներին Հունաստանի լիակատար ենթարկվելու մեջ։
Համաձայնագիրը վավերացվել է միայն ընդդիմության ձայների շնորհիվ, որն այդ կերպ արտահայտվել է Հունաստանի եվրոպական ուղու օգտին։ Այդ ժամանակ Ցիպրասը հայտարարել է, որ կառավարությունն իր քաղաքականությունն անցկացնելիս պետք է խորհրդարանում կայուն մեծամասնություն ունենա։
Հունաստանի օգնության ծրագիրը կշարունակվի` չնայած արտահերթ ընտրություններին
11:14 21.08.2015 (Թարմացված է: 11:21 21.08.2015)
Բաժանորդագրվել
Եվրախմբի աշխատանքային խմբի ղեկավար Թոմաս Վիզերը նշել է, որ Հունաստանի խորհրդարանի արտահերթ ընտրությունները սպասելի էին, դրանք կապահովեն հունական կառավարության կառուցվածքի ավելի մեծ թափանցիկություն
