Խոտածածկ տարբեր տարածքներում հրդեհներ են բռնկվել

ԵՐԵՎԱՆ, 21 օգոստոսի – Sputnik. Հրդեհներ են բռնկվել Հայաստանի խոտածածկ տարբեր տարածքներում օգոստոսի 20-21–ին, հայտնում է ՀՀ ՏԿԱԻՆ ճգնաժամային կառավարման ազգային կենտրոնը։

Ըստ հաղորդագրության, հրդեհներ են գրանցվել Երևանի «Զվարթնոց» օդանավակայանի մոտակայքում, որտեղ այրվել է 2000 քմ խոտածածկ տարածք, Գայի պողոտայում` 200 քմ, Թբիլիսյան խճուղում գտնվող դատարանի մոտակայքում` 300 քմ, Ձորագյուղի Ազգագրական թաղամասի թիվ 15/16 հասցեում գտնվող Փարաջանովի անվան տուն-թանգարանի մոտակայքում` 300 քմ, Բրյուսով թաղամասի թիվ 63 շենքի մոտակայքում` 500 քմ։

Նշվում է նաև, որ Նոր Խարբերդի ամառանոցների Անտառային փողոցում գտնվող ջրապոմպակայանի մոտակայքում նույնպես այրվել է 2000 քմ մակերեսով խոտածածկ տարածք:

Կոտայքի մարզի Գետամեջ գյուղի թռչնանոցի մոտակայքում` 3000 քմ, Քանաքեռավան գյուղի 14-րդ փողոցի թիվ 36 շենքի մոտակայքում` 2000 քմ, Աբովյան քաղաքի Սարալանջ թաղամասի գերեզմանատան տարածքում` 2 հա, Սարալանջի փողոցում` 3000 քմ, Շիրակի մարզի Բենիամին գյուղի Կարկաչան ռեստորանի մոտակայքում` 63 հա, Աբովյան-Ջրաբեր ավտոճանապարհի 1-ին կմ-ի ձախակողմյան հատվածում` 1000 քմ, Արզնի-Բյուրեղավան ավտոճանապարհի խաչմերուկին հարակից` 3 հա, Եղվարդ-Աշտարակ ավտոճանապարհի 11-րդ կմ-ի ձախակողմյան հատվածում` 1.2 հա, Գառնի-Բանավան ավտոճանապարհի 4 կմ-ի աջակողմյան հատվածում` 15 հա, Ապարան-Աշտարակ ավտոճանապարհի 12-րդ կմ-ի մոտակայքում` 5000 քմ, Ալափարս-Սոլակ ավտոճանապարհի 7-րդ կմ-ի մոտակայքում` 1 հա խոտածածկ տարածք։

Խոտածածկ տարածքներ են այրվել նաև Հրազդան-Զովաբեր ավտոճանապարհին` գազալցակայանի մոտակայքում` 3000 քմ մակերեսում, Տավուշի մարզի բերդ քաղաքի «Արդամ» կոչվող հանդամասում։ 

Աչաջուր գյուղի մոտակայքում այրվել է 5 հա, Այգեհովիտ գյուղի հանդամասում` 3 հա, Սյունիքի մարզի Բռնակոթ գյուղի հարակից տարածքում` 200 քմ, Գորիս քաղաքի Այգեստան փողոցի վերջնամասում` մարզադաշտի տարածքում` 4000 քմ, Գեղարքունիքի մարզի Գավառ քաղաքի Ազատության փողոցի թիվ 30 շենքի մոտակայքում` 200 քմ, Գավառ քաղաքի գերեզմանատան տարածքում` 1000 քմ, Արագածոտնի մարզի Ներքին Սասնաշեն գյուղի մոտակայքում` 5000 քմ խոտածածկ տարածք:

Հաղորդման մեջ նշվում է, որ «Հայանտառ» ՊՈԱԿ-ի Արզնի անտառտնտեսության տարածքում այրվել է 3 հա անտառապատ տարածք։