ԵՐԵՎԱՆ, 20 օգոստոսի– Sputnik. Հայաստանի մի շարք ուսումնական հաստատությունների ղեկավարների նկատմամբ կարգապահական տույժ կկիրառվի, հաղորդում է կրթության ր գիտության նախարարության մամուլի ծառայությունը։
Հաղորդագրության համաձայն` ՀՀ կրթության և գիտության նախարար Արմեն Աշոտյանը հրամաններ է ստորագրել մի շարք ուսումնական հաստատությունների ղեկավարների նկատմամբ կարգապահական վերաբերյալ տույժեր կիրառելու մասին` որոշ հանրակրթական, նախնական և միջին մասնագիտական ուսումնական հաստատություններում 2015թ. հունիսի 2-ից մինչև հուլիսի 27-ն ընկած ժամանակահատվածում իրականացված աուդիտի արդյունքների հիման վրա։
Մասնավորապես, «Գյումրու պետական բժշկական քոլեջ» և «Տաշիրի Ա.Խաչատրյանի անվան ավագ դպրոց» պետական ոչ առևտրային կազմակերպությունների տնօրենների նկատմամբ կիրառվել է կարգապահական տույժ` «խիստ նկատողություն»:
«Երևանի թիվ 4 արհեստագործական ուսումնարան», «Գավառի ակադեմիկոս Ա.Թամամշևի անվան պետական գյուղատնտեսական քոլեջ», «Վայոց Ձորի տարածաշրջանային պետական քոլեջ», «Վարդենիսի Բադեյան պետական քոլեջ», «Վանաձորի Ս.Թևոսյանի անվան պետական պոլիտեխնիկական քոլեջ», «Վանաձորի Կ.Ղարաքեշիշյանի անվան թիվ 1 արհեստագործական ուսումնարան», «Վանաձորի Ս.Նալղռանյանի անվան թիվ 13 ավագ դպրոց» և «Վանաձորի Վ.Տերյանի անվան թիվ 5 ավագ դպրոց» պետական ոչ առևտրային կազմակերպությունների տնօրենների նկատմամբ նկատմամբ կիրառվել է կարգապահական տույժ` «նկատողություն»:
Հայաստանի մի շարք ուսումնական հաստատությունների ղեկավարների նկատմամբ կարգապահական տույժ կկիրառվի
22:13 20.08.2015 (Թարմացված է: 22:15 20.08.2015)
CC BY-SA 4.0 / Economy and Values Research Center / Presentation of ACR 2010 (cropped, resized and color corrected)
Բաժանորդագրվել
Հայաստանի մի շարք ուսումնական հաստատությունների ղեկավարների նկատմամբ կարգապահական տույժ կկիրառվի
