ԵՐԵՎԱՆ, 20 օգոստոսի– Sputnik. Ամենից հաճախ «Շտապօգնության» ծառայություն են դիմում սրտանոթային հիվանդություններով մարդիկ, սակայն այս տարի Հայաստանում հաստատված շոգ եղանակը չի բերել շտապօգնության կանչերի ավելացման, հինգշաբթի «Sputnik–Արմենիա» կայքին հաղորդեց «Շտապբուժօգնություն» ՓԲԸ–ի տնօրեն Թագուհի Ստեփանյանը։
«Ամսական գրանցվում է միջինը «Շտապօգնության» 650 կանչ և մեծամասամբ` սրտանոթային հիվանդություններ ունեցող մարդկանցից։ Բայց այդ ցուցանիշն անկախ եղանակից գրեթե չի փոխվում»,– նշեց նա։
Ստեփանյանի խոսքով` ամառային և ձմեռային շրջանում կանչերի զգալի տարբերություն չի նկատվում։
Նախնական տեղեկատվության համաձայն` Հայաստանում կա սրտանոթային հիվանդություններ ունեցող շուրջ կես միլիոն մարդ։ Ընդ որում, առողջապահության նախարարության տվյալներով` բնակչության շարքում մահվան դեպքերի 50 տոկոսը բաժին է ընկնում հենց սրտանոթային հիվանդություններին։
Շոգի պատճառով «Շտապօգնության» կանչերի թիվը չի ավելացել
Բաժանորդագրվել
Ամեն ամիս միջինը ստացվում է շտապօգնության 650 կանչ, հիմնականում, սրտային հիվանդություններ ունեցող մարդկանցից, հաղորդեց «Շտապօգնություն» ՓԲԸ–ի տնօրեն Թագուհի Ստեփանյանը
