ԽՍՀՄ ժողովրդական արտիստ, թատրոնի և կինոյի հայտնի դերասան, ռեժիսոր և մանկավարժ Լև Կոնստանտինի Դուրովն է մահացել օգոստոսի 20–ին Մոսկվայում երկարատև հիվանդությունից հետո։ Տեսանյութում դիտեք դերասանի ամենավառ և հիշվող դերերը
Արտիստի մահվան մասին պատմել է նրա դուստրը` Եկատերինա Դուրովան։
«Լև Կոնստանտինովիչը մահացել է այսօր գիշերվա մեկին տասը պակաս»,– ասել է Դուրովան։
Դուրովի հոսպիտալացման մասին հայտնի է դարձել օգոստոսի 7–ին, նրա վիճակը ծայրահեղ ծանր էր։ Դուրովի առողջական վիճակը, որոշակի բարելավումից, կրկին վատացել էր, բժիշկները նրա մոտ ախտորոշել էին ծանր թոքաբորբ։
Ռուս դերասան, ռեժիսոր, ԽՍՀՄ ժողովրդական արտիստ Լև Դուրովը ծնվել է 1931 թվականի դեկտեմբերի 23-ին Մոսկվայում։ Դուրովների ընտանիքը պատկանում է ռուս հայտնի կրկեսային արտիստների տոհմին։ 1967 թվականին Դուրովն ընդունվել է Մոսկվայի դրամատիկական թատրոն։ Լև Դուրովը սկսել է նկարահանվել 1954 թվականից և ավելի քան 160 դեր է խաղացել։
