ԵՐԵՎԱՆ, 20 օգոստոսի– Sputnik. Ժողովրդական արտիստ Լև Դուրովի հուղարկավորությունը տեղի կունենա Նովոդևիչի գերեզմանատանը, հաղորդել են Մալայա Բրոննայա թատրոնից։
ԽՍՀՄ ժողովրդական արտիստ Դուրովը մահացել է ծանր երկարատև հիվանդությունից հետո։ Դուրովի հոսպիտալացման մասին հայտնի է դարձել օգոստոսի 7–ին, նրա դրությունը գնահատվել է ծայրահեղ ծանր։
«Դերասան Լև Դուրովին հրաժեշտ կտան Մալայա Բրոննայա թատրոնում երկուշաբթի` օգոստոսի 24–ին, առավոտյան 10–ին։ Այնուհետև նրան թաղելու են Նովոդևիչի գերեզմանատանը»,– ասել է Մալայա Բրոննայա թատրոնի գեղարվեստական բաժնի ղեկավարը։
Լև Դուրովը մահացել է հինգշաբթի գիշերը Մոսկվայում։ Դերասանին հիվանդանոց տեղափոխելու մասին հայտնի էր դարձել օգոստոսի 7-ին, նրա վիճակը գնահատվում էր ծայրահեղ ծանր։ Որոշակի ապաքինումից հետո Դուրովի ինքնազգացողությունը կրկին վատացել էր, բժիշկները նրա մոտ ախտորոշել էին ծանր թոքաբորբ։
Ռուս դերասան, ռեժիսոր, ԽՍՀՄ ժողովրդական արտիստ Լև Դուրովը ծնվել է 1931 թվականի դեկտեմբերի 23-ին Մոսկվայում։ Դուրովների ընտանիքը պատկանում է ռուս հայտնի կրկեսային արտիստների տոհմին։ 1967 թվականին Դուրովն ընդունվել է Մոսկվայի դրամատիկական թատրոն։ Լև Դուրովը սկսել է նկարահանվել 1954 թվականից և ավելի քան 160 դեր է խաղացել։
Լև Դուրովի հուղարկավորությունը տեղի կունենա Նովոդևիչի գերեզմանատանը
© Sputnik / Екатерина Чеснокова
/ Բաժանորդագրվել
Դերասան Լև Դուրովին հրաժեշտ կտան Մալայա Բրոննայա թատրոնում երկուշաբթի` օգոստոսի 24–ին։ ԽՍՀՄ ժողովրդական արտիստը մահացել է հինգշաբթի ծանր երկարատև հիվանդությունից հետո
