ԵՐԵՎԱՆ, 20 օգոստոսի – Sputnik. Հայկական դրամն ուզբեկական սումին, թուրքմենական մանաթին և ղրղըզական սոմին զուգընթաց 2014 թվականի սկզբից առավել կայուն արժույթներն են, սակայն դրամն ու սոմը հեռանկարում կարող են արժեզրկվել, ասվում է ВТБ24–ի ներդրումային դեպարտամենտի գլխավոր վերլուծաբան Ստանիսլավ Կլեշչյովի` Sputnik պորտալին տված մեկնաբանությունում
«Դրանց թուլացումն ԱՄՆ դոլարի նկատմամբ չի գերազանցում 20 տոկոսը, ինչն ավելի լավ է, քան զարգացող երկրների արժույթների ինդեքսի փոփոխումը նշված ժամանակահատվածում»,– ասել է Կլեշչյովը։
Սակայն այժմ, ըստ նրա, հայկական դրամը և ղրղըզական սոմն արժեզրկման առավել հավանական թեկնածուներն են։ «Որպես Մաքսային միության անդամների` այդ երկրների համար ավելի բարդ է դառնում մրցակցել Ռուսաստանի և Բելառուսի ապրանքների հետ։ Իսկ այժմ մրցակցային առավելություն կստանան նաև ղազախ արտադրողները»,– ասել է նա։
Նա մեկնաբանել է Ղազախստանի անցումն ազգային արժույթի լողացող փոխարժեքի, ինչի հետևանքով տենգեն դոլարի նկատմամբ արժերկվել է մեկ քառորդով և բելառուսական ռուբլուն և ուկրաինական գրիվնային հավասար տարեսկզբից արժեզրկման առաջատար է դարձել։
«Թեև ռուբլու նկատմամբ անգամ արժեզրկումից հետո տենգեն շարունակում է համեմատարաբ «թանկ» մնալ` 0.26 ռուբլի մեկ տենգեի դիմաց վերջին 10 տարվա 0.21 ռուբլու դիմաց, ինչը պահպանում է Ղազախստանի շուկայում ռուս արտադրողների մրցակցային առավելությունները»,– ասել է Կլեշչյովը։
Ըստ նրա` Ղազախստանի անցումը լողացող փոխարժեքի կանխորոշված էր հարևանների` Ռուսաստանի և Չինաստանի արժութային փոխարժեքների ճկունության բարձրացման ֆոնին, ինչը «սև ոսկու» գների նվազմանը զուգահեռ արագացրել է Աստանայի ընդունած որոշումը։
«Բայց արժեզրկված տենգեի պատմությունն արժեզրկումների մրցավազքի պատկերազարդումներից մեկն է։ Ազգային արժույթների թուլացմամբ չափազանց տարվելը կարող է հանգեցնել բավականին տխուր հետևանքների` սկսած գնաճը նվազեցնելուց և բնակչության իրական եկամուտների անկումից և ավարտած քաղաքական ռեժիմների փոփոխությամբ»,– կարծում է փորձագետը։
Հայաստանի ազգային վիճակագրական ծառայության տվյալներով, հայկական դրամը 2014 թվականի դեկտեմբերին արժեզրկվել է 14.1 տոկոսով` 2013 թվականի նույն ժամանակահատվածի համեմատ։ Հայաստանում արժութային փոխարժեքների կտրուկ արժեզրկումը սկսվել է 2014 թվականի նոյեմբերի 24–ին, երբ դոլարի փոխարժեքն աճել է 16.6 կետով` մինչև 435 դրամ մեկ դոլարի դիմաց։
Կենտրոնական բանկի` արժութային շուկայում կատարած կայունացնող քայլերից հետո հայկական դրամը սկսել է արժևորվել, սակայն արժութային փոխարժեքները դեռևս որոշակիորեն տատանվում էին։
Ներկայում Հայաստանում դոլարի միջին կշռված փոխարժեքը կազմում է 477.29 դրամ մեկ դոլարի դիմաց։
ВТБ24 վերլուծաբան. հայկական դրամը հեռանկարում կարող է արժեզրկվել
© Sputnik / Александр Кряжев
/ Բաժանորդագրվել
Հայաստանի և Ղրղըզստանի համար ավելի դժվար է մրցակցել Ռուսաստանի և Բելառուսի ապրանքների, ինչպես նաև ղազախ արտադրողների հետ
