ԵՐԵՎԱՆ, 20 օգոստոսի– Sputnik. Մոսկվայի «Սպարտակ» ակումբի գլխավոր տնօրեն Սերգեյ Ռոդիոնովը զբաղեցրել է Ջիվան Չելոյանցի տեղն ակումբի տնօրենների խորհրդի կազմում, հաղորդվում է ակումբի պաշտոնական կայքում։
«Սպարտակ» ակումբի բաժնետերերի ընդհանուր ժողովի ժամանակ որոշվել է ակումբի տնօրենների խորհրդի նոր կազմը։ Ցանկում չկա Ջիվան Չելոյանցի անունը, որին փոխարինել է Սերգեյ Ռադիոնովը, ով այս տարվա հունիսից զբաղեցնում է ակումբի գլխավոր տնօրենի պաշտոնը։
Տնօրենների խորհրդի ամբողջական կազմն այս պահին ունի հետևյալ տեսքը` Լ.Ա. Ֆեդուն, Ա.Ն. Ժիրկով, Ա. Կ. Մատիցին, Ս. Ա. Միխայլով, Ս. Յու. Ռոդիոնով, Ա. Ա. Ֆեդուն։
Չելոյանցը կողմնակից էր, որպեսզի «Սպարտակ» ակումբի մարզչի պաշտոնում հրավիրեն ներկա մարզիչ Դմիտրի Ալենիչևին։
Չնայած տնօրենների խորհրդի կազմում չներառվելուն, Չելոյանցը շարունակում է մնալ ակումբի բաժնետեր։
Ռադիոնովը փոխարինել է Չելոյանցին Մոսկվայի «Սպարտակ» ակումբի տնօրենների խորհրդի կազմում
© Sputnik / Владимир Астапкович
/ Բաժանորդագրվել
Ջիվան Չելոյանցն այսուհետ չի ներառվում Մոսկվայի «Սպարտակ» ակումբի տնօրենների խորհրդի կազմում, սակայն մնում է ակումբի բաժնետեր
