Հայաստանը Պսկովի մարզում կմասնակցի ՀԱՊԿ–ի ԱԱՀՈՒ զորավարժություններին

ԵՐԵՎԱՆ, 20 օգոստոսի – Sputnik. Հայաստանի զինված ուժերի ստորաբաժանումները կմասնակցեն արագ արձագանքման հավաքական ուժերի  «Փոխգործակցություն 2015» վարժանքներին, հայտնել է ՀԱՊԿ–ի մամուլի քարտուղար Վլադիմիր Զայնետդինովը։

Օգոստոսի 23-28-ը ՌԴ Պսկովի շրջանում անցկացվող վարժանքներին կմասնակցեն նաև Բելառուսի, Ղազախստանի, Ղրղըզստանի, ՌԴ–ի և Տաջիկստանի Զինված ուժերի ստորաբաժանումները, ինչպես նաև` ներքին գործերի նախարարության հատուկ նշանակության զորքերն ու արտակարգ իրավիճակների հետևանքներին վերացման և թմրանյութերի շրջանառության վերահսկման դաշնային ծառայությունը։

Վարժանքների հիմնական նպատակն է կատարելագործել համատեղ գործողությունների նախապատրաստման գործընթացում ՀԱՊԿ–ի ԱԱՀՈՒ կառավարման մարմինների աշխատանքն ու զորքերի կառավարումը, ինչպես նաև կատարելագործել զինվորական համակազմի դաշտային վարժեցումն ու հատուկ նշանակության ուժերի ձևավորումը` համատեղ ռազմական գործողություններ իրականացնելու ժամանակ։

«Փոխգործակցություն 2015» վարժանքների ընդհանուր ղեկավարությունն իրականացնելու է Ռուսաստանի ՕԴԶ գեներալ–գնդապետ Վլադիմիր Շամանովը, գործնական վարժանքների անմիջական ղեկավարումը կկազմակերպի խաղաղապահ գործողությունների ՕԴԶ հրամանատարի տեղակալ և ԱԱՀՈՒ գեներալ–մայոր Ալեքսանդր Վյազնիկովը։