ԵՐԵՎԱՆ, 20 օգոստոսի– Sputnik. ԵՏՄ անդամ երկրներից հունվար–հունիսին, նախորդ տարվա նույն ժամանակահատվածի համեմատ, մանրածախ առևտրի անկում է գրանցվել Հայաստանում և Ռուսաստանում, նշվում է Եվրասիական տնտեսական հանձնաժողովի կայքում։
ԵՏՀ–ի տվյալներով` Հայաստանում մանրածախ առևտուրն առաջին կիսամյակում կազմել է 1,3 մլրդ դոլար` նախորդ տարվա նույն ժամանակահատվածի համեմատ կրճատվելով 6,5 տոկոսով։
ՀՀ ԱՎԾ–ի տվյալներով` մանրածախ առևտրի անկումը հանրապետությունոււմ գրանցվել է տարեսկզբից, մասնավորապես, հունվարին` 6,1 տոկոսով, փետրվարին` 6,9 տոկոսով, մարտին` 6,1 տոկոսով, ապրիլին` 7,3 տոկոսով, մայիսին` 7,9 տոկոսով, հունիսին` 5,9 տոկոսով։
ԵՏՀ–ի տվյալներով` մանրածախ առևտուրը Ռուսաստանում հաշվետու ժամանակահատվածում կրճատվել է 8 տոկոսով` կազմելով 225,9 մլրդ դոլար։
Մանրածախ առևտրի ամենամեծ աճը 2015 թ.–ի առաջին կիսամյակում գրանցվել է Ղրղըզստանում` 3,6 տոկոսով` մինչև 1,4 մլրդ դոլար, Ղազախստանում այդ ցուցանիշը կազմել է 15,1 մլրդ դոլար` ավելանալով 2,9 տոկոսով, Բելառուսում նկատվում է 1,1 տոկոսի աճ` մինչև 11,1 մլրդ դոլար։
ԵՏՄ անդամ–պետությունների մանրածախ առևտրի շրջանառությունը (իրացման բոլոր խողովակների միջոցով) 2015 թ.–ի հունվար–հունիսին կազմել է 254,8 մլրդ դոլար։ 2014 թ.–ի նույն ժամանակահատվածի համեմատ` մանրածախ վաճառքի ծավալը կրճատվել է 6,9 տոկոսով։
ԵՏՄ երկրների շրջանում I կիսամյակում մանրածախ առևտուրը նվազել է Հայաստանում և Ռուսաստանում
© Sputnik / Константин Чалабов
/ Բաժանորդագրվել
Եվրասիական տնտեսական հանձնաժողովի տվյալներով` 2015 թ.–ի առաջին կիսամյակում մանրածախ առևտրի աճ է գրանցվել Ղրղըզստանում, Ղազախստանում և Բելառուսում
