ԵՐԵՎԱՆ, 20 օգոստոսի – Sputnik. NASA–ի փորձագետներն ու գիտնականները ճապոնական օդերևութաբանական կազմակերպության (JMA) հետ համատեղ պարզել են, որ ընթացիկ տարվա հուլիս ամսին Երկրի ջերմաստիճանը բարձրացել է` վերջին չորս հազար տարիների ընթացքում հասնելով առավելագույն ցուցանիշի։ Գիտնականների տվյալները մեջբերում է Washington Post–ը։
Բացի այդ, մասնագետները եկել են այն եզրակացության, որ ավելի քան 200 տարվա ընթացքում 2015 թվականի հուլիսն ամենաշոգ ամիսն է եղել։
Գիտնականներն այս եզրահանգմանն են եկել` հիմնվելով մոլորակի ջերմաստիճանի աճի կողմնակի հատկանիշների վրա, նրանք ուսումնասիրել են ծառերի տարեկան օղակները, կորալներն ու սառցե նմուշները։ Ինչպես նշում են գիտնականները, այս ամենը թույլ է տվել եզրակացնել, որ Երկրի ջերմաստիճանը բարձրացել է։
Գիտնականների տվյալների համաձայն, նախկին ռեկորդային ջերմաստիճանը գրանցվել էր 2011 թվականի հուլիսին, իսկ այս տարվա հուլիսին գրանցված ջերմաստիճանը այդ ցուցանիշից բարձր է եղել 0.02 աստիճանով։ Բացի այդ, նշվում է, որ այս տարվա բոլոր ամիսները գրանցվել են պատմության մեջ ամենաշոգ ամիսների վարկանիշում։ Այսպիսով, 2015 թվականը, անկասկած, պատմության մեջ կգրանցվի իր ռեկորդային բարձր ջերմաստիճանով։
NASA. Երկրի ջերմաստիճանը չորս հազար տարվա ընթացքում գրանցված առավելագույն ցուցանիշին է հասել
© Sputnik / Герман Титов
/ Բաժանորդագրվել
NASA–ի և ճապոնական օդերևութաբանական կազմակերպության (JMA) տվյալների համաձայն, 2015 թվականի հուլիսը օդերևութաբանական դիտարկումների ողջ պատմության մեջ գրանցված ամենաշոգ ամիսներից մեկն է եղել
