Սեքսապաթոլոգը խորհուրդ է տալիս խուսափել պատահական սեռական կապերից

ԵՐԵՎԱՆ, 19 օգոստոսի– Sputnik. Ամառային արձակուրդների ժամանակ անկանոն սեռական կապերը հղի են տհաճ հետևանքներով, ուստի անհրաժեշտ է զգոն լինել և չտրվել «ամառային գայթակղություններին», ասել է բժիշկ–սեքսապաթոլոգ, բժշկական գիտությունների թեկնածու Վրեժ Շահրամանյանը։

«Հաճախ անկանոն կապերի պատճառով հրաշալի հիշողությունների փոխարեն արձակուրդից մնում են մի փունջ տհաճ հիվանդություններ։ Հենց այդ պատճառով սեպտեմբերին կտրուկ աճում է անձանց թիվը, որոնք դիմում են մաշկավեներական դիսպանսերներ»,– չորեքշաբթի մամուլի ասուլիսում ասաց նա։

Սեքսապաթոլոգը  կոչ է արել պաշտպանվել պատահական սեռական կապերից։ Նրա խոսքով` սեռական ճանապարհով փոխանցվող հիվանդությունների գաղտնի շրջանը տարբեր է. երբեմն առաջին ախտանշանները կարող են հայտնվել վարակվելուց 3-5 օր հետո, իսկ այլ դեպքերում արտաքին ախտանիշների կարող են չլինել, սակայն որոշ վեներական հիվանդություններ կարող են հանգեցնել անպտղության և ուրիշ անցանկալի հետևանքների։

Սեքսապաթոլոգը խորհուրդ է տալիս արձակուրդներից հետո հետազոտվել` թաքնված սեռվարակները բացահայտելու համար, հատկապես եթե անցյալում եղել են պատահական սեռական կապեր։

Իր հերթին գինեկոլոգ–էնդոկրինոլոգ Լիլիթ Կուջոյանը նշեց, որ հատկապես կանայք պետք է լողազգեստներով մնան լողալուց հետո։ «Ամենից առաջ, կարելի է հարբուխ ձեռք բերել, երկրորդ, դա կարող է առաջացնել սեռավարակներ։ Լողազգեստները յուրաքանչյուր լողալուց հետո պետք է ոչ թե չորացնել, այլ լվանալ»,– ասաց նա։

Ինչպես նշեց գինեկոլոգը, սեռական կամ սնկային վարակներից զերծ մնալու համար չպետք է սրբվել ուրիշի սրբիչով կամ օգտագործել ուրիշի պառկելաթախտը։