ԵՐԵՎԱՆ, 19 օգոստոսի — Sputnik. Օգոստոսի 19-23–ը Նիդեռլանդների մայրաքաղաքում կանցկացվի SAIL Amsterdam վերջրյա նավերի խոշորագույն շքերթը, հայտնում է Культурология.рф–ը։
SAIL Amsterdam–ը Նիդեռլանդների մայրաքաղաքի խոշորագույն և աշխարհում ամենախոշոր իրադարձություններից է, եթե խոսենք մեկտեղ հավաքված նավերի թվի մասին, այդ թվում` շքեղ առագաստանավեր, որոնք, կարծես, հայտնվել են վեպերի էջերից։ Հինգ տարին մեկ անգամ հազարավոր նավեր անցնում են ծովաշքերթով Ամստերդամի երկայնքով` գրավելով հանդիսատեսին իրենց շքեղությամբ և նրբագեղությամբ։
Հինգ տարին մեկ անգամ օգոստոսին, սովորաբար ամսի 19-23–ի սահմաններում, մեծ թվով օդանավեր` սկսած համեստ փոքրիկ լաստանավերից մինչև հսկայական բազմակայմ նավեր, հավաքվում են Ամստերդամի հյուսիսային Էյ ծովախորշում։ Այդ ժամանակ տարբեր մրցումներ են անցկացվում, ներկայացվում են հայտնի ճակատամարտերի տեսարաններ, հանդիսատեսների համար ժամանցային միջոցառումներ և, իհարկե, բոլորը միասին շքերթով անցնում են հին քաղաքի ափերի երկայնքով։
Առաջին անգամ շքերթն անցկացվել է 1975 թվականին «Sail Amsterdam 700» անունով` նշելով Ամստերդամի 700–ամյակը։ Այդ ժամանակ հետաքրքրություն էր նկատվում բարձրակայմ նավերի նկատմամբ, որոնց մասին չէին հիշում 30–ականներից, երբ կառուցվել էր վերջին առևտրային կայմանավը։ Այդ շքերթը ցնցող հաջողություն ունեցավ, և այդպիսով, որոշվեց այն անցկացնել յուրաքանչյուր հինգ տարին մեկ։
Համարվում է, որ Sail Amsterdam–ի համար ոգեշնչման աղբյուր է ծառայել «Նավաշինության տեխնոլոգիաների առաջին հոլանդական ցուցահանդեսը» (Eerste Nederlandse Tentoonstelling op Scheepvaartgebied), որն անցկացվել է 1913 թվականին։ Այդ պատճառով SAIL Amsterdam–ում բացի իսկական նավերից կարելի է տեսնել նաև ժամանակակից նավակներ, տվյալ ոլորտի զանազան կոնցեպտներ և ձեռքբերումներ։ Հանդիսատեսին ներկայացվում են նաև ծովային թեմատիկայով ոգեչնչված տարբեր կտավներ, կազմակերպվում է ֆայերշոու, երեխաների համար միջոցառումներ, իսկ ամբողջ իրադարձությունն ավարտվում է հսկա հրավառությամբ։
SAIL Amsterdam–ի իններորդ հանդիպումն այս տարի կանցնի օգոստոսի 19–ից 23–ը։ Ակնկալվում է, որ այդ մասշտաբային իրադարձությանը ներկա կլինի շուրջ 2 միլիոն մարդ։
Իսկ ահա աշխարհում պահպանված իսկական առագաստանավը թվագրվում է 17–րդ դարով և կարելի է տեսնել Եվրոպայի մյուս ծայրում` Ստոկհոլմում կառանած է «Vasa» ռազմանավը, որը բաց է զբոսաշրջիկների այցելության համար։
