ԵՐԵՎԱՆ, 19 օգոստոսի – Sputnik. Նոր հայ–վրացական №103 դպրոցը, որը նախատեսված է 1000 դպրոցականի համար, կբացվի Թբիլիսիի մեծ բնակչություն ունեցող Մետրոմշենի ավանում, հայտնում է Sputnik–ը` հղում անելով Վրաստանի կրթության նախարարության մամուլի ծառայությանը։
«№103 դպրոցը ամենամասշտաբային նախագծերից է, ավելին` վերջին 20-30 տարում այդպիսի մասշտաբի դպրոց չի կառուցվել…», – ասել է Սանիկիձեն, ով տեղում ծանոթացել է շինարարական աշխատանքների ընթացքին։
«Նախագիծը շատ կարևոր է` ելնելով այն հանգամանքից, որ դպրոցը ներառում է ինչպես վրացական, այնպես էլ մի մեծ հայկական բաժին… Մենք առավելագույնս փորձում ենք աջակցել էթնիկ փոքրամասնություններին, որպեսզի նրանք լիակատար և լավ ներգրավվեն ուսումնական գործընթացում», – նշել է Սանիկիձեն։
Նոր դպրոցը կհամապատասխանի ժամանակակից պահանջներին։ Ուսումնական հաստատությունում կանցկացվի ջեռուցման համակարգ, կբացվեն մարմնամարզության և հանդիսությունների դահլիճներ, գրադարան, բնական գիտությունների լսարան և բուֆետ։
Դպրոցը նաև կհարմարեցվի սահմանափակ հնարավորություններ ունեցող աշակերտների համար. կտեղադրվեն թեքահարթակներ, կաշխատեն վերելակներ և բուժկաբինետներ։
Նախագծի արժեքը կկազմի մոտ 5.5 մլն լարի։ Նոր դպրոցի շինարարական աշխատանքները սկսվել են այս տարի և կավարտվեն հաջորդ տարի։ Մինչ շինարարական աշխատանքների ավարտը աշակերտները կհաճախեն մի քանի այլ դպրոցներ։ Նրանք կապահովվեն տրանսպորտով։
Թբիլիսիում հայ–վրացական դպրոց կբացվի, որը նախատեսված կլինի 1000 աշակերտի համար
Բաժանորդագրվել
Նոր դպրոցը կհամապատասխանի ժամանակակից պահանջներին։ Ուսումնական հաստատությունում կանցկացվի ջեռուցման համակարգ, կբացվեն մարմնամարզության և հանդիսությունների դահլիճներ, գրադարան, բնական գիտությունների լսարան և բուֆետ
