ՆԱՏՕ ՕԴԶ խոշորագույն վարժանքներն են սկսվել Եվրոպայում

ԵՐԵՎԱՆ, 19 օգոստոսի – Sputnik. ՆԱՏՕ–ի` սառը պատերազմից հետո խոշորագույն օդա–դեսանտային զորքերի վարժանքներն են մեկնարկել Եվրոպայում, հայտնում է ՌԻԱ Նովոստին` հղում անելով Փրանս Փրես գործակալությանը։

Վարժանքներին, որոնք շարունակվելու են մինչև սեպտեմբերի 13-ը, մասնակցում է ավելի քան 4.8 հազար զինվոր Բուլղարիայից, Ֆրանսիայից, Գերմանիայից, Հունաստանից, Իտալիայից, Նիդեռլանդներից, Լեհաստանից, Պորտուգալիայից, Իսպանիայից, Մեծ Բրիտանիայից և ԱՄՆ–ից։

«Swift Response 15 վարժանքները սառը պատերազմից հետո մայրցամաքի խոշորագույն իրադարձություններից են», – հայտնում է գերմանական Գրաֆենվյոր քաղաքում ԱՄՆ–ի բանակը։

Դիմումի մեջ նշվում է, որ վարժանքների բարձրակետը կլինի օգոստոսի 26-ին, երբ ռազմական ինքնաթիռները գերմանական Հոենֆելս մարզական կայան կհասցնեն  ավելի քան հազար պարաշյուտիստներ և սարքավորումներ։

Երեքշաբթի հայտնի էր դարձել, որ ՆԱՏՕ–ն սեպտեմբերի 11-22-ը լայնածավալ ռազմածովային հակասուզանավային DYNAMIC MANTA վարժանքներ կանցկացնի Հոնիական ծովում, որը նախատեսված է 2015 թվականի հյուսիսատլանտյան դաշինքի  ռազմական վարժանքների ժամանակացույցով։

Այս վարժանքները ՆԱՏՕ–ի երկրների` Եվրոպայում ռազմական գործունեության ընդլայնման ռազմավարության շարունակությունն են` ներառյալ արագ արձագանքման ուժերի ամրապնդումը, ինչպես նաև ամերիկյան համակազմի քանակի ավելացումը, վարժանգների ծրագրի և պարեկության ընդլայնումը, ինչպես նաև պաշտպանության ծախսերի աճը։ Ռուսաստանը հայտնում է, որ խոսքն իր սահմանների մոտ ՆԱՏՕ–ի ակտիվացման աննախադեպ ընդլայնման մասին է։