ԵՐԵՎԱՆ, 19 օգոստոսի–Sputnik. ՀՀ կառավարությունն սկսել է Համո Բեկնազարյանի անվան «Հայֆիլմ» կինոստուդիան հետ պահանջելու գործընթացը, չորեքշաբթի հայտնում է «Հայկական ժամանակ» թերթը։
Ըստ թերթի` գործընթացը սկսելու պատճառն այն է, որ սեփականատերերը չեն կատարել պայմանագրային պարտավորությանները։
Համո Բեկնազարյանի անվան «Հայֆիլմ» կինոստուդիայի սեփականատերն են Ջերարդ Գաֆէսճյանը և Բագրատ Սարգսյանը։
«Նախորդ տասը տարիների ընթացքում չեն կատարվել խոստացված միլիոնավոր դոլարների ներդրումները, չեն կառուցվել նկարահանման տաղավարներ, կինոստուդիան չի վերազինվել ժամանակակից ու հզոր տեխնիկայով, բավարար քանակով ու անհրաժեշտ որակով չի թվայնացվել հայկական կինոժառանգությունը։ Իսկ այժմ արդեն լրացել է այդ ամենի համար սահմանված վերջնաժամկետը», – գրում է թերթը։
Խնդրի վերաբերյալ պաշտոնական մեկնաբանություն տրամադրելու համար ՀՀ ԿԱ պետական գույքի կառավարման վարչությունից «Հայկական ժամանակ» թերթի թղթակցին առաջարկել են հարցումն ուղարկել գրավոր, իսկ «Սի ԷՍ Ֆիլմզի» («Հայֆիլմի») գլխավոր տնօրեն Խաչատուր Ցոկոլակյանը, լսելով հարցը, միայն պատասխանել է. «Առանց մեկնաբանությունների»։
ՀՀ կառավարությունը հետ է պահանջում «Հայֆիլմ» կինոստուդիան
11:11 19.08.2015 (Թարմացված է: 11:48 19.08.2015)
© Photo : "Hayfilm" official page
Բաժանորդագրվել
ՀՀ կառավարությունը նման որոշման պատճառն այն է, որ սեփականատերերը չեն կատարել պայմանագրային պարտավորությանները
