ԵՐԵՎԱՆ, 18 օգոստոսի– Sputnik. Հունաստանին 86 մլրդ եվրո օգնության ընդհանուր ծավալը կապահովվի Կայունության եվրոպական մեխանիզմի (ESM) հաշվին, երեքշաբթի ասել է Եվրահանձնաժողովի մամուլի քարտուղարը։
Նրա խոսքով` Հունաստանի համար նախատեսված աջակցության փաթեթը լրացուցիչ ներդրումներ չի պահանջի եվրագոտու պետություններից։ «Եվրագոտու պետությունները «թարմ փողեր» չեն տալու, ծրագիրն իրականացվելու է ESM–ի կողմից նրա հնարավորության շրջանակում»,– ասել է նա։
Եվրագոտու երկրների ֆինանսների նախարարների խորհուրդն օգոստոսի 14–ին հաստատել է Հունաստանի արտաքին ֆինանսական օգնության երրորդ ծրագիրը. Հիմա դրանք կլինեն վարկեր Կայունության եվրոպական մեխանիզմի կողմից և, հնարավոր է, ԱՄՀ–ից առավելագույնը 86 մլրդ եվրոյով։
Ավելի վաղ Արժույթի միջազգային հիմնադրամի կարգադրիչ տնօրեն Քրիստին Լագարդը հաղորդել է, որ ԱՄՀ–ն հավանություն է տալիս Հունաստանի համար ԵՄ–ն վարկային ծրագրին բարեփոխումների դիմաց, բայց նախկինի նման կարծում է, որ երկրին անհրաժեշտ է պարտքի զգալի վերակառուցում։
Հունաստանի համար նախատեսված հերթական օգնության փաթեթն արժե 86 մլրդ եվրո
Բաժանորդագրվել
Հունաստանին տրվող ֆինանսական աջակցության երրորդ փաթեթը լրացուցիչ ներդրումներ չի պահանջի եվրագոտու պետություններից
