Բաշկիրիայում մայրը խեղդել է երկու երեխաներին, որովհետև նրանք մտել են ավազի մեջ և կեղտոտվել

ԵՐԵՎԱՆ, 18 օգոստոսի– Sputnik. Բաշկիրիայի իրավապահ մարմինները հաղորդագրություն են ստացել Օկտյաբրսկի քաղաքի հիվանդանոցից այն մասին, որ իրենց հիվանդը սպանել է իր երկու երեխաներին։ Այդ մասին հաղորդում է vesti.ru–ն։

Քննության վարկածով` օգոստոսի 17–ի ցերեկը Օկտյաբրսկի քաղաքի 27–ամյա բնակչուհին լոգախցիկում խեղդել է իր երկու տղաներին, որովհետև նրանք մտել են ավազի մեջ և կեղտոտվել։ Կինը  հունիսի 30–ից օգոստոսի 14–ը բուժում է ստացել հոգեբուժարանում

Այնուհետև կինը դիմել է հիվանդանոց, որտեղ բուժում է անցել և հաղորդել պատահարի մասին։ «Կնոջ բնակարանի լոգասենյակի հատակին հայտնաբերվել են երկու երեխաների մարմինները` ջրահեղձման նշաններով։ Ընտանիքը լիարժեք է, դրական է բնութագրվում»,– ասվում է ՌԴ ՔԿ հանրապետական վարչության հաղորդագրությունում։

Նախնական տեղեկատվության համաձայն, Գուլնազ Մ.–ն խեղդել է տղաներին այն պատճառով, որ նրանք զբոսնելու ընթացքում մտել են ավազի մեջ և կեղտոտվել։ Միաժամանակ, իրավապահ մարմինների աղբյուրը հայտնել է, որ կինը հայտարարել է, թե «չի ցավում պատահածի համար, քանի որ երեխաները, միևնույն է, հիվանդ էին»։

Փաստի առնչությամբ հարուցվել է քրեական գործ ՌԴ ՔՕ «Երկու անչափահասների սպանություն» հոդվածով։