ԵՐԵՎԱՆ, 18 օգոստոսի– Sputnik. Sputnik միջազգային լրատվական պորտալի գերմանական տարբերակն ամրապնդել է դիրքերը սոցցանցերում հանրաճանաչության վարկանիշում` առցանց ԶԼՄ–ների և10000 Flies բլոգերի շրջանում` հուլիսին բարձրանալով 26–րդ տեղը, հաղորդում է Sputnik–ի մամուլի ծառայությունը։
Վարկանիշը հրապարակվում է Գերմանիայի ամենահեղինակավոր ռեսուրսներից մեկում` մեդիա արդյունաբերությանը նվիրված meedia.de-ում, որի լսարանը կազմում է ամսական մինչև 2 մլն. այցելություն։ Վարկանիշի առաջին եռյակում ներառվել են Գերմանիայի մեդիաշուկայի առաջատարները` Bild–ը, Spiegel–ն ու Focus–ը։ Բացի Sputnik–ից, վարկանիշի առաջատարներն են այնպիսի թերթերի և ամսագրերի առցանց ռեսուրսները, ինչպիսիք են Die Welt–ը, Süddeutsche Zeitung–ը, Zeit–ն ու Stern–ը։
Ամսական վարկանիշը հաշվում է գերմանալեզու առցանց ռեսուրսների հետ սոցցանցերի օգտատերերի փոխգործակցության թիվը («հավանել», «կիսվել», «թվիթ անել» և այլն)։ Վարկանիշը կազմվել է մի քանի հազար գերմանալեզու առցանց ԶԼՄ–ների և բլոգերի վերլուծության հիման վրա։ Վարկանիշի ամբողջական տվյալներին կարելի է ծանոթանալ` անցնելով հետևյալ հղումով։
10000 Flies–ը active value GmbH ընկերության, լրագրող և տվյալների վերլուծաբան Յենս Շրյոդերի (Jens Schröder) նախագիծն է, ով երկար տարիներ զբաղվել է վարկանիշների ստեղծմամբ։ Վարկանիշն ամեն օր վերլուծում է ԶԼՄ–ների ակտիվությունը սոցցանցերում` օգտագործելով active value ընկերության ստեղծած գրանցման և օգտատերերի ակտիվության հաշվարկի համակարգը։
Sputnik–ը (sputniknews.com) լրատվական գործակալություն և ռադիո է` տասնյակ երկրներում մուլտիմեդիոն մասնաճյուղերով։ Sputnik–ն ընդգրկում է կայքեր, անալոգային և թվային ռադիոհեռարձակում, բջջային հավելվածներ և էջեր սոցցանցերում։ Բաժանորդների համար Sputnik–ի լրատվական ժապավենները թողարկվում են շուրջօրյա անգլերեն, արաբերեն, իսպաներեն և չինարեն լեզուներով։
Sputnik–ն ամրապնդել է դիրքերը Գերմանիայում
Пресс-центр Sputnik-Армения
![Пресс-центр Sputnik-Армения Пресс-центр Sputnik-Армения - Sputnik Արմենիա](https://cdn.am.sputniknews.ru/img/06/20/062083_0:94:1200:773_600x0_80_0_0_8c14d18d3344348eb6da6f21861fee59.jpg)
Բաժանորդագրվել
Վարկանիշը հրապարակվում է Գերմանիայի ամենահեղինակավոր ռեսուրսներից մեկում` մեդիա արդյունաբերությանը նվիրված meedia.de-ում, որի լսարանը կազմում է ամսական մինչև 2 մլն. այցելություն