ԵՐԵՎԱՆ, 18 օգոստոսի– Sputnik. 25–ամյա Վլադիմիր Կարապետյանի դաժան սպանության մեջ կասկածվող տղամարդուն բերման են ենթարկել, «Sputnik-Արմենիա» կայքին հայտնել է Երևանի ոստիկանության մամուլի ծառայության ներկայացուցիչը։
Ինչպես նշվում է Հայաստանի քննչական կոմիտեի կայքում, մահացած 25–ամյա Վլադիմիր Կարապետյանը և նրա եղբայրն ապրել են մի բնակարանում, իսկ նրանց մայրը բնակվել է ուրիշ տանը երրորդ որդու հետ։
Նախաքննության ընթացքում պարզվել է, որ դիակը հայտնաբերել է մայրը։ Սպանված երիտասարդը նշված տանը բնակվել է եղբոր հետ, իսկ մայրը՝ երրորդ որդու տանը։ 2015թ. օգոստոսի 18-ին առավոտյան մայրն այցելել է որդիներին եւ տան հյուրասենյակում՝ բազմոցի վրա պառկած, հայտնաբերել Վլադիմիր Կարապետյանին՝ սպանված։
Նշանակվել են դիակի դատաբժշկական փորձաքննություն, իսկ դեպքի վայրի զննությամբ հայտնաբերված արյան հետքերով` դատակենսաբանական փորձաքննություն:
Մշակվել են աշխատանքային վարկածներ, որոնք ստուգելու ուղղությամբ կատարվում են անհրաժեշտ քննչական գործողություններ, հանձնարարություն է տրվել ոստիկանության Մալաթիայի բաժնին՝ միջոցներ ձեռնարկել հանցագործություն կատարած անձին և հանցագործության գործիքը հայտնաբերելու ուղղությամբ:
Երևանում կացնահարված երիտասարդի սպանության մեջ կասկածում են նրա հարազատ եղբորը
17:13 18.08.2015 (Թարմացված է: 18:03 18.08.2015)
© Photo : Stock photo
Բաժանորդագրվել
Երևանի Մալաթիա–Սեբաստիա վարչական շրջանի քննչական բաժնում տվյալ փաստով հարուցվել է քրեական գործ Հայաստանի ՔՕ 104–րդ հոդվածով
