ԵՐԵՎԱՆ, 18 օգոստոսի — Sputnik. Հայաստանի կառավարությունը երեքշաբթի նիստում հաստատել է Ռուսաստանից մատակարարվող բնական գազի գնի` հազար խորանարդ մետրի դիմաց մինչև 165 դոլարի նվազումը նախատեսող արձանագրությունը։
Այս տարվա ապրիլին Հայաստանի նախագահ Սերժ Սարգսյանի հետ «Գազպրոմ» ԲԲԸ–ի վարչության նախագահ Ալեքսեյ Միլլերի բանակցությունների ընթացքում ձեռք բերված պայմանավորվածությունների համաձայն, Հայաստան մատակարարվող ռուսական գազի գինը սահմանում նվազել է ներկայիս շուրջ 190 դոլարից մինչև 165 դոլար յուրաքանչյուր հազար խորանարդ մետրի դիմաց։
«Հայաստանի և Ռուսաստանի կառավարությունների միջև երկու արձանագրություններ պատրաստ են ստորագրման։ Առաջին արձանագրությունը սահմանում է գազի գինը 165 դոլար հազար խորանարդ մետրի դիմաց 2015 թվականին։ Երկրորդ արձանագրությունում լիազոր մարմիններին հանձնարարվում է մինչև նոյեմբերի 1–ը նախապատրաստել հետագա օգտագործման ֆինանսական հաշվարկների մոդել»,– նիստում ասաց Հայաստանի էներգետիկայի և բնական պաշարների նախարար Երվանդ Զախարյանը։
Նախարարն առաջարկել է կառավարությունը հավանություն տալ այս արձանագրություններին և ուղղել դրանք Հայաստանի Ազգային ժողովի վավերացմանը։
Հայաստանի ներքին շուկայում Ռուսաստանից Վրաստանով ստացվող բնական գազի մատակարարման և բաշխման մենաշնորհայինը «Գազպրոմ Արմենիա» ընկերությունն է, որը ռուսական «Գազպրոմի» 100 տոկոսանոց դուստր ընկերությունն է։
«Գազպրոմ» և «Գազպրոմ» ընկերությունների միջև 2013 թվականի դեկտեմբերին ստորագրված պայմանագրով ռուսական էներգահոլդինգը պարտավորվում է 2014-2018 թվականներին տարեկան Հայաստան մատակարարել մինչև 2.5 միլիարդ խորանարդ մետր գազ, որի արժեքը որոշվում է գազի ռուսական գնագոյացման բանաձևով։
Հայաստանում հաստատվել է ռուսական գազի նոր գնի արձանագրությունը
© Photo : Gazprom Armenia official site
Բաժանորդագրվել
Հայաստանին մատակարարվող ռուսական գազի գնի նվազման արձանագրությունները կուղղվեն Ազգային ժողովի վավերացմանը
