Պարզվել է Բանգկոկի պայթյունի կազմակերպման մեջ կասկածվող անձի ինքնությունը

ԵՐԵՎԱՆ, 18 օգոստոսի – Sputnik. Կիրակի երեկոյան Բանգկոկի կենտրոնում իրականացրած պայթյունի մեջ կասկածվող անձի ինքնությունը, հավանաբար, բացահայտվել է, – հայտնում է Թաիլանդի վարչապետ Փրայութ Չան–Օչան։

Ֆրանս Փրես գործակալության տվյալներով, ահաբեկության հետևանքով մահացել է 21 մարդ։ Վիրավորների թիվը կազմում է 123 մարդ, հայտնում է ՆԳՆ–ն։

Գործակալությունը հայտնում է, որ իշխանությունները սկսել են կասկածյալի հետապնդումը, ով երևում է դեպքի վայրից ոչ հեռու` տեսաձայնագրող սարքի արված ձայնագրություններում։ «Այսօր մենք ունենք կասկածյալ, ով երևացել է տեսաձայնագրության մեջ, սակայն դա դեռ հաստատ չէ։ Մենք փնտրում ենք այդ երիտասարդին», – գործակալությունը մեջբերում է վարչապետի խոսքը։ Նա ավելացրել է, որ կասկածյալը, հավանաբար, «Թաիլանդի հյուսիս արևելքում հիմնադրված հակակառավարական խմբի» մասնակից է։

Բանգկոկի կենտրոնի գործարար և տուրիստական հատվածում երկուշաբթի Երևանի ժամանակով ժամը 15։56–ին Ռատչապրասոնգ խաչմերուկում տեղի է ունեցել պայթյուն։ Ինքնաշեն ռադիոկառավարվող ռումբը, որում որպես պայթուցիկ նյութ օգտագործվել է տրինիտրոտոլուոլ, տեղադրվել էր Amarin Plaza առևտրային կենտրոնի և Grand Hayatt Erawan հյուրանոցի մոտակայքում գտնվող հնդուիստական Էրավան (երեքգլխանի սուրբ փիղ) կուռքի տաճարի ցանկապատի մոտ այն պահին, երբ տաճարում բազմաթիվ այցելուներ էին գտնվում, որոնց մեծամասնությունը զբոսաշրջիկներ էին` Չինաստանից, Սինգապուրից և Թայվանից։ Բազմաթիվ օտարերկրյա զբոսաշրջիկներ վնասվածքներ էին ստացել։