Գորիլլաներին հնարավոր է խոսել սովորեցնել

ԵՐԵՎԱՆ, 17 օգոստոսի – Sputnik. Գերիշխող կարծիքը, թե կապիկները կարող են շփվել միայն ինքնաբերական աղմուկների օգնությամբ, որոնք առաջանում են  զարմանքի պահին կամ գիշատչի տեսելիս, հավանաբար, հերքվել է Մեդիսոնի Վիսկոնսինի համալսարանի մի խումբ հետազոտողների կողմից։ Նրանք ուսումնասիրել են 44-ամյա Կոկո գորիլլային, որը սովորել է ժեստերի լեզուն, որպեսզի շփվի մարդկանց հետ։ Մարդկանց միջավայրում ավելի քան չորս տասնամյակ ապրած կապիկը գործնականում սովորել է մարդկային մի շարք հմտություններ, հայտնում է RT անգլալեզու պորտալը։

Ֆիզիոլոգիայի ֆակուլտետի դոկտոր Մարկուս Պերլմանն ուսումնասիրել է Կոկոյի հետ արված 70 ժամ տեսանյութ։ «Ես նախատեսել էի ուսումնասիրել Կոկոյի ժեստերը, սակայն երբ դիտում էի տեսանյութը, նկատեցի, թե ինչպես է նա հրաշալի վերարտադրում դրանց խոսքային տարբերակները», – գրել է նա համալսարանի կայքում հրապարակած հոդվածում։

Թիմին հաջողվել է գտնել վարքագծի ինքնաբուխ ինը տարբերակներ, որոնք կապիկից պահանջում էին ձայնաձևավորման և շնչառության հատուկ վերահսկում։ Գիտնականներն ընդգծել են, որ դրանք այն տարբերակներն էին, որոնց Կոկոն արդեն վաղուց տիրապետում էր, այլ ոչ ինքնաբերական աղմուկներ։ Պերլմանը նշել է, որ երբ Կոկոն ցանկանում է ստանալ որևէ համեղ բան, նա շուրթերով «փնչացնող» ձայն է արձակում։ Նա նաև սովորել է թաշկինակով քիթը սրբել և նվագել փողային գործիքներ։

«Նա պարբերական հստակ ձայներ չի արտաբերում խոսքի ժամանակ, ինչպես մենք անում ենք խոսելու ընթացքում։ Սակայն նա վերահսկում է իր կոկորդը, որպեսզի վերահսկվող ձայն արձակի` խռնչյունի նման», – նկատել են գիտնականները։

Պերլմանը պատմել է, որ օրանգուտանգները նույնպես ցուցաբերել են որոշակի խոսքային վարքագծի տարբերակներ։ Սա վկայում է, որ մարդանման կապիկների մի մեծ ընտանիք կարող է ունենալ Կոկոյի ցուցաբերած հմտություններից։

«Կոկոն հաղթահարում է անջրպետը։ Նա ցույց է տալիս իր ողջ ներուժը, երբ ճիշտ պայմաններում և մի փոքր վերահսկման ժամանակ կապիկները կկարողանան զարգացնել իրենց ձայնային տրակտը։ Այն այնքան լավը չէ, որքանմարդկանց մոտ, սակայն, իհարկե, նրանք կարող են այն վերահսկել», – ասել է Պերլմանը։