ԵՐԵՎԱՆ, 15 օգոստոսի- Sputnik. ԱՄՆ հատուկ ծառայությունների նախկին աշխատակից Էդվարդ Սնոուդենը չի նախատեսում հեռանալ Ռուսաստանից, շաբաթ օրը հաղորդել է փաստաբան Անատոլի Կուչերենան, ով ներկայացնում է Սնոուդենի շահերը ՌԴ-ում:
«Նա Ռուսաստանում է: Նրա հետ ամեն ինչ կարգին է»,- իրավաբանի խոսքն է մեջբերում «Նորությունների ռուսական ծառայությունը»:
Կուչերենան բացասական պատասխան է տվել նաև ռադիոկայանի այն հարցին, թե արդյոք Սնոուդենը չի պատրաստվում առաջիկայում հեռանալ երկրից:
Սնոուդենը 2013թ.-ի հունիսին Washington Post և Guardian թերթերին մի շարք գաղտնի փաստաթղթեր է հանձնել ինտերնետում ԱՄՆ և Մեծ Բրիտանիայի հատուկ ծառայությունների լրտեսման ծրագրերի մասին: Այնուհետև նա մեկնել է Հոնկոնգ, իսկ այդտեղից՝ Մոսկվա, որտեղ որոշ ժամանակ գտնվել է մոսկովյան օդանավակայանի տարանցիկ գոտում: Ռուսաստանը Սնոուդեին ժամանակավոր ապաստան է տրամադրել մեկ տարի ժամկետով այն պայմանով, որ նա կդադարեցնի ԱՄՆ-ի դեմ գործունեությունը: 2014թ.-ի օգոստոսին Սնոուդենը ստացել է 3 տարվա բնակության իրավունք, որը թույլ կտա նրան ճանապարհորդել ոչ միայն Ռուսաստանում, այլ նաև երկրի սահմաններից դուրս:
Փաստաբան. Սնոուդենը չի պատրաստվում հեռանալ Ռուսաստանից
© Sputnik / Валерий Мельников
/ Բաժանորդագրվել
Փաստաբան Անատոլի Կուչերենան ներկայացնում է ԱՄՆ-ի հատուկ ծառայությունների նախկին աշխատակից Էդվարդ Սնոուդենի շահերը, նա ասել է, որ իր պաշտպանյալի հետ ամեն ինչ կարգին է, և նա չի պատրաստվում հեռանալ երկրից
