ԵՐԵՎԱՆ, 14 օգոստոսի– Sputnik. Ավելի քան 50 տարվա ընթացքում առաջին անգամ ԱՄՆ–ի դրոշը ծածանվել է Կուբայում ԱՄՆ–ի դեսպանատան տանիքին։
Այս կապակցությամբ հանդիսավոր արարողություն է տեղի ունեցել ուրբաթ Հավանայում։ Արարողությանը մասնակցել են ԱՄՆ պետքարտուղար Ջոն Քերին և Կուբայի ԱԳ նախարար Բրունո Ռոդրիգեսը։ Արարողությունը հեռարձակում են հիմնական ամերիկյան հեռուստաալիքները, ինչպես նաև ԱՄՆ Պետդեպարտամենտի կայքը։
Պետքարտուղար Ջոն Քերին ուրբաթ Հավանայում արարողության ընթացքում հայտարարել է, որ Կուբայում ԱՄՆ դեսպանատան բացումը «պատմական պահ է»։ «Սա այն օրն է, երբ մենք մի կողմ ենք տանում բոլոր արգելքները», – ասել է Քերին։
Հավանայում ԱՄՆ շահերի պաշտոնական սեկցիան հուլիսի 20–ին դեսպանատան կարգավիճակ է ստացել։ Վաշինգտոնը դեռևս չի որոշել այն հարցը, թե ով է զբաղեցնելու դեսպանի պաշտոնը։ Հիմա առաքելությունը գլխավորում է ժամանակավոր հանձնակատար Ջեֆրի ԴիԼորենտիսը։
ԱՄՆ օրենքների համաձայն` դեսպանի թեկնածությունը պետք է հաստատի ԱՄՆ–ի կոնգրեսի սենատը։ Ինչպես ցույց է տալիս պրակտիկան, նման հարցերը կարող են լուծվել բազմաթիվ ամիսների ընթացքում։
Կուբացիները Վաշինգտոնում պաշտոնապես իրենց դեսպանատունը բացել են հուլիսի 20–ին։ Այդ նպատակով ԱՄՆ է եկել Կուբայի ԱԳ նախարար Բրունե Ռոդրիգեսը։
ԱՄՆ–ի դրոշը 50 տարվա ընթացքում առաջին անգամ ծածանվեց Կուբայի դեսպանատան տանիքին
Բաժանորդագրվել
Երկու երկրների դիվանագիտական հարաբերությունների վերականգնումը նշանավորող հանդիսավոր արարողությանը մասնակցել են ԱՄՆ պետքարտուղար Ջոն Քերին և Կուբայի ԱԳ նախարար Բրունո Ռոդրիգեսը
