Բացառիկ Ferrari և 1962 թ.–ի Mercedes, ավտոարդյունաբերության հազվագյուտ նմուշներ

Մոնթերեում կազմակերպված աճուրդի ժամանակ ցուցադրվել է 1966 թ.–ին արտադրված հազվագյուտ Ferrari 275 GTB/4–ը։ Դիտեք տեսանյութում, թե ինչ տեսք ունի 10 մլն դոլար արժողությամբ ավտոմեքենան

ԱՄՆ–ում անցկացվող Monterey Car Week–ի շրջանակում կազմակերված աճուրդի ժամանակ 39 սպորտային մեքենաների թվում ցուցադրվեց նաև հազվագյուտ Ferrari 275 GTB/4–ը։ Ավտոմեքենան թողարկվել է 1966 թ.–ին։ Այն ունի շարժիչ, որը հատուկ մշակվել է  մրցարշվաներին մասնակցելու համար։

Նախնական գնահատականներով` հազվագյուտ մեքենայի արժեքը կազմում է 8–10 մլն դոլար։ Համանուն աճուրդի հիմնադիր Ռիկ Քոուլի խոսքով` սա ամենաթանկ Ferrari 275 GTB/4–ից է։

«Այս տարի մենք ունենք երկու կամ երեք մեքենաներ, որոնք ի վիճակի են որոշակի ռեկորդներ սահմանել։ Ավտոմեքենաներից մեկը, հնարավոր է, աշխարհի ամենաթանկ մեքենան է` 275 GTB/4–ը։ Նա միակ մեքենան է, որն արտադրվել է մրցարշավների համար նախատեսված շարժիչով», – նշել է Քոուլը։

Նաև աճուրդի են հանվել 1962 թ.–ին արտադրված Mercedes-Benz 300SL–ը, 1955 թ.–ին արտադրված Ferrari 250 Europa–ն, 1989 թ.–ին արտադրված Ferrari Testa Rossa–ն և 1989 թ.–ին արտադրված Lamborghini Countach–ը։

Monterey Carն անցնում է օգոստոսի 10–ից 16–ը։