ԵՐԵՎԱՆ, 14 օգոստոսի– Sputnik. ՀՀ կառավարության երեկ ընդունած որոշման համաձայն, Կարեն Դեմիրճյանի անվան մարզահամերգային համալիրը 30 մլն դոլարով վաճառվել է 20 օր առաջ գրանցված ընկերությանը` «ՆՏԱԱ ինվեստմենտ գրուպ» ՍՊԸ–ին, գրում է «Ժամանակ» թերթը։
«Ժողովուրդ» թերթը պարզել է, որ այս ընկերությունը գրանցվել է ընդամենը 20 օր առաջ։ Նրա հիմնադիրն Արմեն Զավենի Գևորգյանն է` ծնված 1970թ.–ին։
Թերթը գրում է. «Պարզվում է, որ քսան օր առաջ` հուլիսի 20–ին ստեղծված ընկերությունը հասցրել է կառավարությանը ներդրումային ծրագիր ներկայացնել և խոստացել են, որ նախ կվերանորոգեն համալիրի շենքը։ Իսկ ամենակարևորն այն խոստումն է, որ նախատեսում են տարածքում կառուցապատում իրականացնել և կառուցել «ընտանեկան ուղղվածության համալիր կենտրոն»։ Ըստ խոստման` չորս տարում 100 մլն դոլարի ներդրում պետք է կատարվի»։
Հոդվածագիրը նշում է, որ այս ծրագրիր հետ կապված մյուս ուշագրավ պահը համալիրի տարածքում խաղատուն կառուցելու մտադրությունն է։
«Ինչպես հայտնի է, 2003թ.–ին ընդունված ՀՀ օրենքով Երևանի տարածքում արգելվում է խաղատուն կառուցել։ Բայց պարզվում է` ինչ–որ մարդկանց քմահաճույքների համար պատրաստվում են ՀՀ սահմանադրությունն էլ փոխել»,– գրում է թերթը։
ԶԼՄ. Մարզահամերգային համալիրը վաճառվել է 20 օր առաջ գրանցված ընկերությանը
© Photo : News.gisher
Բաժանորդագրվել
Այս ծրագրրի հետ կապված մյուս ուշագրավ պահը համալիրի տարածքում խաղատուն կառուցելու մտադրությունն է։ Ինչպես հայտնի է, 2003թ.–ին ընդունված ՀՀ օրենքով Երևանի տարածքում արգելվում է խաղատուն կառուցել
