ԵՐԵՎԱՆ, 14 օգոստոսի– Sputnik. Օգոստոսի 14-18-ին հանրապետության տարածքը կգտնվի արևադարձային տաք օդային հոսանքների ազդեցության գոտում, հատկապես հովտային և նախալեռնային գոտիներում սպասվում է բարձր ջերմային ֆոն և բարձր կարգի հրդեհավտանգ իրավիճակ, գյուղատնտեսական մշակաբույսերի մոտ կդիտվի ջրազրկում, որից խուսափելու համար անհրաժեշտ է խիստ կերպով վերահսկել ոռոգման ռեժիմը, հաղորդում է Հայպետհիդրոմետ ծառայությունը:
Ազգաբնակչությանը խորհուրդ է տրվում խուսափել ֆիզիկական ակտիվությունից և արեգակի անմիջական ճառագայթների տակ գտնվելուց, հատկապես առողջական խնդիրներ և բաց մաշկ ունեցող անձանց:
Հանրապետության տարածքում օգոստոսի 14-18-ին սպասվում է առանց տեղումների եղանակ:
Քամին կլինի հարավային, 2-5 մ/վրկ արագության:
Օդի ջերմաստիճանն օգոստոսի 17-18-ին կնվազի 1-2 աստիճանով:
Երևանում օգոստոսի 14-18-ին սպասվում է առանց տեղումների եղանակ:
Այսօր Երևանում ցերեկային ժամերին կլինի մինչև 40 աստիճան տաքություն, երեկոյան ժամերին`34-36։
Առաջիկա օրերին օդի ջերմաստիճանը 1-2 աստիճանով կնվազի
10:22 14.08.2015 (Թարմացված է: 12:18 14.08.2015)
© Sputnik / Григорий Сысоев
/ Բաժանորդագրվել
Ազգաբնակչությանը խորհուրդ է տրվում խուսափել ֆիզիկական ակտիվությունից և արեգակի անմիջական ճառագայթների տակ գտնվելուց, հատկապես` առողջական խնդիրներ և բաց մաշկ ունեցող անձանց
