Վարչապետ. Օրերս կվերսկսվի Իրան–Հայաստան երրորդ ԷՀԳ–ի կառուցումը

ԵՐԵՎԱՆ, 13 օգոստոսի– Sputnik. Այսօր տեղի է ունեցել ՀՀ կառավարության հերթական նիստը, որը վարել է ՀՀ վարչապետ Հովիկ Աբրահամյանը:

Բացելով նիստը՝ վարչապետը դիմել է ներկաներին.«Ցանկանում եմ տեղեկացնել, որ Հայաստան-Իրան բարձրավոլտ 3-րդ էլեկտրահաղորդման գծի շինարարության ծրագրի աշխատանքները վերսկսելու վերաբերյալ մի քանի օր առաջ հերթական փաստաթուղթն է ստորագրվել, ինչը նշանակում է, որ գործընթացը սկսվել է, այսինքն՝ շինարարությունը մենք հաջորդ շաբաթ սկսելու ենք: Համոզված եմ, որ Իրանի հետ համագործակցությունը, հատկապես էներգետիկ ոլորտում, կնպաստի երկու երկրների միջև ապրանքաշրջանառության ծավալների զգալի աճին»:

Իրանական ԶԼՄ–ները հայտնում են, որ երկու երկրների` 275 կմ երկարությամբ նոր ԷՀԳ–ի արժեքը կկազմի 107 մլն եվրո։

Այդ նախագծի միջոցով Իրանը մտադիր է միանալ նաև Ռուսաստանի և Վրաստանի էներգահամակարգերին։