ԵՐԵՎԱՆ, 13 օգոստոսի – Sputnik. Նիդեռլանդները մերժել են լրագրողներին տրամադրել Ուկրաինայի տարածքում Boeing–ի վթարի հետաքննության փաստաթղթերը, հայտնել է RTL Nieuws հեռուստաալիքը։
ԶԼՄ–ները` հղում անելով բաց կառավարության մասին օրենքին, Նիդեռլանդների արդարադատության և անվտանգության նախարարություն հարցում են ուղղել, գործի առիթով առկա տեղեկատվության տրամադրման խնդրանքով։ Սակայն նախարար Արդ վան դեր Սթերը հայտնել է, որ անկախ հասարակության համար տեղեկատվության նշանակալիության, կառավարությունը վարչապետ Մարկ Ռյութեի ղեկավարությամբ կարծում է, որ «ավելի կարևոր է պահպանել գաղտնիությունը»։
Ավելի վաղ Նիդեռլանդները ներկայացրել է մի շարք հետաքննության փաստաթղթեր, սակայն թղթի վրա տեղեկատվության մեծ մասը գաղտնի է մնացել և ջնջվել է սև թանաքով։ Վան դեր Սթերը հայտնել է, որ այդ փաստաթղթերը նախատեսված են ներքին օգտագործման համար և կարող են վնասել մյուս երկրների հետ Նիդեռլանդների հարաբերություններին։
Ռուսաստանն ավելի վաղ կոչ էր արել հետաքննությամբ զբաղվող բոլոր երկրներին, հրապարակել Ուկրաինայի Boeing վթարի մասին տվյալները։
Malaysia Airlines ավիաընկերության Boeing 777 օդանավը, որն իրականացնում էր չվերթ Ամստերդամից Կուալա Լումպուր, վթարի է ենթարկվել 2014 թվականի հուլիսի 17-ին Դոնեցկի մոտակայքում։ Զոհվել է 298 մարդ։ Նիդեռլանդների անվտանգության խորհրդի վթարի պատճառների վերաբերյալ վերջնական զեկույցը կհրապարակվի 2015 թվականի հոկտեմբերին։
