Նավթի համաշխարհային գներն ավելանում են

ԵՐԵՎԱՆ, 13 օգոստոսի – Sputnik. Նավթի համաշխարհային գները դրական շարժ են արձանագրում` հինգշաբթի ԱՄՆ–ում նավթի պաշարների վիճակագրության ֆոնին, վկայում են աճուրդների տվյալները, գրում է ՌԻԱ Նովոստին։

Տեղական ժամանակով ժամը 9։40–ի դրությամբ, հյուսիսծովյան Brent նավթային խառնուրդի սեպտեմբերյան ֆյուչերսների գներն ավելացել են  0.36%, և 1 բարելի դիմաց կազմել 49.84 դոլար։  WTI  սեպտեմբերյան ֆյուչերսների գներն ավելացել են 0.25% և 1 բարելի դիմաց կազմել 43.41 դոլար։

ԱՄՆ–ի էներգետիկայի նախարարության էներգետիկայի տեղեկատվության կառավարման տեսության համաձայն, երկրում մեկ շաբաթվա ընթացքում նավթի առևտրային պաշարները կրճատվել են 1.7 մլն բարելով` մինչև 453.6 մլն բարել։ Վերլուծաբանները սպասում էին շաբաթական պաշարների կրճատում միայն 1.817 մլն բարելով` մինչև 463.48 մլն բարել։

ԱՄՆ–ում նավթի շաբաթական արդյունահանումը, նախարարության տվյալներով, իջել է 0.73%` մինչև 9.395 մլն բարել մեկ օրվա ընթացքում։ Երկրում խոշորագույն  Քուշինգ (Cushing) տերմինալում նավթի պաշարները նվազել են 0.1 մլն բարել` մինչև 57.1 մլն բարել, իսկ բենզինի` 1.3 մլն բարելով` մինչև 215.5 մլն բարել։ Թորած նավթի պաշարները ավելացել են 3 մլն բարելով` մինչև 147.8 մլն բարել։

Ֆրանս Փրես գործակալության հարցված վերլուծաբանները նշում են, որ նավթի գները պահպանվում են որոշ ներդրողների մտավախությունների շնորհիվ շուկայի գերհագեցվածության նկատառումով։
 
«Նավթի շուկայում առաջարկի և պահանջարկի կայուն ցուցանիշներում առաջվա պես չկան կտրուկ փոփոխություններ։ Շուկան հիմնականում գների նվազման միտում ունի», – գործակալությունը մեջբերում է Սինգապուրում Phillip Futures  ներդրումային վերլուծաբան Դենիել Անգի (Daniel Ang) խոսքը։