Նազարբաև. Նոր կարճ ճանապարհը կկապի Ալմաթին և Իսիկ–Կուլը

ԵՐԵՎԱՆ, 12 օգոստոսի – Sputnik. Ղազախստանի նախագահ Նուրսուլթան Նազարբաևը հայտնել է Ալմաթիից Իսիկ–Կուլ կարճ ճանապարհի կառուցման նախագծի աջակցման մասին ղըրղզստան–ղազախստան սահմանին մաքսային վերահսկումը չեղյալ հայտարարելու արարողության ժամանակ։

Ղազախստանի ղեկավարը նշել է, որ Ղրղըզստանի ԵՏՄ–ին անդամակցելը կնպաստի երկու երկրների և միության մյուս անդամների առևտրային փախհարաբերությունների բարելավմանը

«Իսիկ–Կուլի շրջանում կավելանա Ղազախստանից զբոսաշրջիկների քանակը, և այդ նպատակով անհրաժեշտ է արագացնել կարճ ճանապարհի կառուցումը», – ասել է Նազարբաևը։

Ղրղըզստանի նախագահ Ալմազբեկ Ատամբաևի խոսքերով` եթե ներկայիս տարածությունը կազմում է 480 կմ, ապա ճանապարհի կառուցումից հետո այն կկրճատվի երկու անգամ։

Ղազախստանի և Ղրղըզստանի նախագահները Իսիկ–Կուլի շրջանի Չոլպոն–Աթա քաղաքի «Ռուխ Օրդո» մշակութային կենտրոնում բացել են սահմանը հեռուստակամուրջի միջոցով։

«Աք–Ժոլ» սահմանային անցակետում մաքսային վերահսկումը չեղյալ հայտարարելու արարողությունը անցկացվել է Ղրղըզստանի Հանրապետության վարչապետ Թեմիր Սարիևի և Ղազախստանի Հանրապետություն վարչապետի առաջին տեղակալ Բակիտժան Սագինտաևյի մասնակցությամբ։

ԵՏՄ–ն միջազգային ինտեգրացիան միավորում է, որը ստեղծվել է Մաքսային միության և Միասնական տնտեսական տարածքի հիման վրա, գործում է այս տարվա հունվարի 1–ից։ Այժմ ԵՏՄ անդամներ են` Ռուսաստանը, Հայաստանը, Բելառուսը և Ղազախստանը։ Այժմ միավորման լիիրավ անդամ է դարձել նաև Ղրղըզստանը։  Միությունը ստեղծված է ԵՏՄ երկրներում ծառայությունների, ապրանքների, կապիտալի և աշխատուժի ազատ տեղաշարժումն ապահովելու նպատակով։