ԵՐԵՎԱՆ, 11 օգոստոսի — Sputnik. Նախորդ տարվա նոյեմբերին Մերձմոսկովյան շրջանի ՃԵԱԳՏ աշխատակիցներին սպանել են, երբ նրանք հրաժարվել են երեք հանցագործների կաշառքից, երեքշաբթի ասել է իրավապահ մարմինների աղբյուրը։
«Ոստիկաններին կրակելուց առաջ հանցագործները ցանկանում էին նրանց կաշառք տալ և գումար էին առաջարկում, որ նրանց բաց թողնեն առանց վարչական խախտման վերաբերյալ արձանագրություն կազմելու»,– ասել է գործակալության զրուցակիցը։
Նրա տվյալով` դատախազությունը մերժել է կաշառքի վերաբերյալ քրեական գործ հարուցել, թեև իրավապահների կաշառման փորձի փաստը հաստատվում է տեսագրանցիչի տեսագրություններով և ենթադրյալ մարդասպանների ցուցմունքներով։
Դատախազությունը ՌԻԱ Նովոստիին առայժմ մեկնաբանություններ չի տվել։
Նախորդ տարվա նոյեմբերին Սոլնեչնոգորսկի շրջան են մեկնել երեք հանցագործներ, հավանաբար, ավազակային հարձակում իրականացնելու մտադրությամբ։ Ճանապարհին նրանց ավտոմեքենան կանգնեցրել են ՃԵԱԳՏ աշխատողները, որոնց հանցագործները սպանել են։
Մարդասպանների զոհ են դարձել ոստիկանության ավագ լեյտենանտ, 32–ամյա Դենիս Դուբովսկին և ոստիկանության 26–ամյա ավագ լեյտենանտ Անդրեյ Եֆանովը։ Երկու հանցագործներին բռնել են թարմ հետքերով, ևս մեկին էլ ձերբակալել են այս ամռանը Սոչիում` Աբխազիայի հետ սահմանն անօրինական կերպով հատելու պահին։
Մերձմոսկովյան շրջանի ոստիկաններին սպանել են կաշառքից հրաժարվելու համար
17:02 11.08.2015 (Թարմացված է: 17:58 11.08.2015)
© Photo : ARKA news agency
Բաժանորդագրվել
Ոստիկաններին կրակելուց առաջ հանցագործները ցանկացել են նրանց կաշառք տալ և գումար են առաջարկում, որ վերջինները նրանց բաց թողնեն առանց վարչական խախտման վերաբերյալ արձանագրություն կազմելու
