ՆԱՍԱ–ի տիեզերագնացներ Սքոթ Քելլին, Չել Լինդգրենը և ճապոնացի աստղագնաց Կիմիա Յուին ՄՏԿ–ում փորձել են առաջին անգամ ուղեծրում աճեցրած սալաթի տերևները։ Դիտեք համտեսման կադրերը։
Տիեզերագնացներն առաջին անգամ փորձել են տիեզերքում աճեցրած բանջարեղենն օրիգինալ տեսքով, որից հետո դրան ավելացրել են ձիթապտղի յուղ և քացախով իտալական համեմունք։
«Շատ լավ է, համեղ է, ինչ թարմ է»,– Միջազգային տիեզերական կայանի (ՄՏԿ) անձնակազմի անդամները մեկնաբանել են սալաթի համը։
Բանջարեղենը տնկել էին հուլիսին ՆԱՍԱ–ի փորձի շրջանակում։ Տերևների կեսը սառեցրել են Երկրում ուսումնասիրելու համար։
ՆԱՍԱ–ում նշում են, որ ուղեծրային կայանում բանջարեղեն աճեցնելու տեխնոլոգիան նոր հնարավորություններ է բացում` տիեզերքում մարդու աշխատանքի համար և կարող է համարվել Մարսի ուղղությամբ արված առաջին քայլը։
