Ֆերգյուսոնում ցուցարարներն ու ոստիկանները հեռանում են քաղաքի կենտրոնական փողոցից

ԵՐԵՎԱՆ, 11 օգոստոսի–Sputnik. Ցուցարարներն ու ոստիկանններն աստիճանաբար հեռանում են Ֆերգյուսոնի գլխավոր փողոցից բողոքի ցույցի չորրորդ օրվանից հետո, որը նվիրված էր ոստիկանի կողմից 18–ամյա սևամորթ Մայքլ Բրաունի սպանության առաջին տարելիցին։

Երեկոն անցավ առանց կրակոցների, ի տարբերություն կիրակի  երեկոյից, երբ երկու մարդ էր վիրավորվել, ընդ որում նրանցից մեկը կրակել էր ոստիկանների ուղղությամբ։ Երկուշաբթի ոստիկանությունը տեղեկացրել է մանր իրավախախտումների մասին։ Այսպես, ոստիկանների ուղղությամբ ցուցարարները նետել էին մի քանի քարեր և սառեցված ջրով պլաստիկ շշեր։ Որոշ դեպքերում, ցուցարարների խոսքերով, ոստիկանները կիրառել են արցունքաբեր գազի անձնական փաթեթներ։

Ուղիղ բախումներ և արցունքաբեր գազի լայն կիրառում չի գրանցվել։ Ոստիկաններին հաջողվել է առանց բռնության հեռացնել ցուցարարներին փողոցի երթևեկելի մասից։ Այնուամենայնիվ, ոստիկանները երեկոյան գրանցված բողոքի ցույցի ժամանակ ձերբակալել են 9 մարդու։ Իսկ երկուշաբթի գրանցված բողոքի ցույցերի ժամանակ ձերբակալվել էր ավելի քան 100 մարդ։

Սենթ–Լուիս օկրուգում գործում է արտակարգ դրության ռեժիմ, որը թույլ է տալիս Ֆերգյուսոնի կարգուկանոնի պահպանման գործում ներգրավել ոչ միայն տեղական ոստիկանությանը (որի թվաքանակը մոտ 50 մարդ է), այլ նաև բազմաթիվ ուժեր` մոտ մեկ միլիոնանոց բնակչություն ունեցող օկրուգից։