ԵՐԵՎԱՆ, 11 օգոստոսի – Sputnik. 2016 թվականի «Ինչ, որտեղ, երբ» ինտելեկտուալ խաղի աշխարհի առաջնությունը կանցկացվի Ծաղկաձորում, երեքշաբթի լրագրողներին հայտնեց Հայաստանի կրթության և գիտության նախարար Արմեն Աշոտյանը։
«Ցանկանում եմ հայտնել շատ կարևոր և ուրախալի նորություն` Հայաստանը հայտ է ներկայացրել «Ինչ, որտեղ, երբ» ակումբների միջազգային ասոցիացիա աշխարհի առաջնությունը անցկացնելու համար և մի քանի օր առաջ մենք հաստատում ենք ստացել», – նշեց նա։
Նրա խոսքով, առաջնության նախապատրաստական աշխատանքները կսկսվեն արդեն սեպտեմբերի 3-4–ը։ Աշոտյանը ավելացրեց, որ հայկական կողմից պատրաստվում է անձամբ համակարգել կազմակերպչական աշխատանքները, իսկ հենց առաջնությունը կանցնի Հայաստանի նախագահի հովանու ներքո։
Աշոտյանը նաև ընդգծեց, որ Հայաստանում ինտելեկտուալ շարժմանը աջակցում է պետությունը, կառավարությունը մեծ օգնություն է ցուցաբերում նմանատիպ մեծամասշտաբ միջոցառումների կազմակերպման հարցում։ «Հայաստանում աշխարհի առաջնության անցկացումը կարևոր է երիտասարդների շրջանում գիտելիքը քարոզելու գործում», – ասաց նախարարը։
«Մենք համագործակցելու ենք «Ինչ, որտեղ, երբ» ակումբների միջազգային ասոցիացիայի հետ, նախատեսվում է ձևավորել կազմկոմիտե։ Մի քանի շաբաթից Հայաստան կժամանեն մեր գործընկերները, որպեսզի ծանոթանան Ծաղկաձորի հյուրանոցների պայմաններին, ինչպես նաև զբաղվեն կազմակերպչական հարցերով», – հայտնեց Աշոտյանը։
Իր հերթին գիտակների ասոցիացիայի նախագահ Տիգրան Քոչարյանն ասաց, որ իր վրա կվերցնի նախապատրաստական աշխատանքների իրականացումը։
«Ինչ, որտեղ, երբ» առաջիկա աշխարհի 2015 թվականի առաջնությունը կանցկացվի նոյեմբերին Վրաստանում։ Աշոտյանն ու Քոչարյանը նախատեսում են այցելել հարևան երկիր, կազմակերպչական հարցերի մանրամասներին ծանոթանալու նպատակով։
Հայաստանը 2016 թվականին կընդունի «Ինչ, որտեղ, երբ» աշխարհի առաջնությունը
© Sputnik / Г. Казаринов
/ Բաժանորդագրվել
Սեպտեմբերին կսկսվեն մյուս տարի կայանալիք «Ինչ, որտեղ, երբ» խաղի աշխարհի առաջնության նախապատրաստական աշխատանքները
