«Խոսքային ռազմավարությունները` ժամանակակից հաղորդակցության մեջ» մուլտիմեդիոն դասախոսություն

ԵՐԵՎԱՆ, 11 օգոստոսի– Sputnik. Չորեքշաբթի` օգոստոսի 12–ին, ժամը 12։00–ին Sputnik-Արմենիա միջազգային մամուլի կենտրոնում («Իմպերիում պլազա» բիզնես կենտրոն, Ամիրյան 4/7, 4-րդ հարկ) կկազմակերպվի մուլտիմեդիոն դասախոսություն` «Խոսքային ռազմավարությունները ժամանակակից հաղորդակցության մեջ» թեմայով։ Դասախոսությունը կանցնի «Ռոսիա սեգոդնյա» ՄԼԳ–ի և ՌԴ կրթության և գիտության նախարարության համատեղ մուլտիմեդիոն միջոցառումների շարքի շրջանակում ռուս և օտարերկրյա լրագրողների համար, որոնց աշխատանքային լեզուն ռուսերենն է` Երևանի, Քիշնևի և Աստանայի հարթակների տեսամիացմամբ։

Ինչպե՞ս որոշել և հաղթահարել խոսքային ագրեսիան, ի՞նչ են իրենցից ներկայացնում էվֆեմիզմներն ու դիսֆեմիզմները ժամանակակից ռուսական խոսքում, ինչպիսի՞ն են այսօր կիրառվող համոզելու տեխնիկաները, հաճոյախոսության և վիրավորանքի տեսակներն ու հնարքները, այս հարցերին իրենց դասախոսության շրջանակում կպատասխանեն առաջատար գիտնական–բանասերները։

Դասախոսությանը կմասնակցեն`

–Ռուսաստանի գիտությունների ակադեմիայի Լեզվաբանության ինստիտուտի պրոֆեսոր, բանասիրական գիտությունների դոկտոր Մարիա Կովշովան,

–Մոսկվայի պետական համալսարանի պրոֆեսոր, բանասիրական գիտությունների դոկտոր Օլգա Ֆրոլովան։

Համակարգող`«Ժամանակակից կրթական տեխնոլոգիաների կենտրոն» ոչ կոմերցիոն կազմակերպության գլխավոր տնօրեն Սերգեյ Բուլանով

Հավատարմագրման հեռախոսահամարը` +374(10) 600-134, 600-133 (ներքին` 107)։

Մամուլի կենտրոնի ծանուցումների տարածման e-mail–ին կարելի է  բաժանորդագրվել` հայտ ուղարկելով h.sahakyan@sputniknews.com  էլեկտրոնային հասցեին։

Երևանում Sputnik միջազգային մուլտիմեդիոն մամուլի կենտրոնի ղեկավար` Հասմիկ Սերգեյի Սահակյան, հեռ.` (094) 18-33-77։