ԵՐԵՎԱՆ, 10 օգոստոսի– Sputnik. Երևանում քրեական գործ է հարուցվել «Նորքի ինֆեկցիոն» հիվանդանոցում հիվանդի մահվան փաստի առթիվ։ Մահացածի հորեղբայրը մեղադրում է բժիշկներին, հաղորդվում է ՀՀ քննչական կոմիտեի կայքում։
Ըստ հաղորդագրության` նախորդ ուրբաթ Քննչական կոմիտեն քաղաքացի Աղասի Սարգսյանից հաղորդում է ստացել այն մասին, որ «իր եղբոր դուստրը` Ջուլիաննա Սարգսյանը մահացել է «Նորքի ինֆեկցիոն» հիվանդանոցում բժիշկների անփութության հետևանքով»։
«Նշանակվել է դատաբժշկական փորձաքննություն։ Ձեռնարկվում են անհրաժեշտ քննչական, դատավարական գործողություններ՝ բուժվող հիվանդի մահվան բոլոր հանգամանքների բազմակողմանի և օբյեկտիվ հետազոտումն ապահովելու ուղղությամբ», – նշվում է հաղորդագրության մեջ։
Դեպքի առթիվ Երևան քաղաքի Կենտրոն և Նորք-Մարաշ վարչական շրջանների քննչական բաժնում հարուցվել է քրեական գործ՝ ՀՀ քրեական օրենսգրքի 130-րդ հոդվածի 2-րդ մասով (Բժշկական օգնություն եւ սպասարկում իրականացնողների կողմից մասնագիտական պարտականությունները չկատարելը կամ ոչ պատշաճ կատարելը)։
Տղամարդը մեղադրել է երևանյան հիվանդանոցներից մեկի բժիշկներին եղբոր դստեր մահվան մեջ
![Уголовное дело Уголовное дело - Sputnik Արմենիա](https://cdn.am.sputniknews.ru/img/1553/19/15531960_0:204:2879:1832_600x0_80_0_0_0520f3da5547489c69145927c413ecf2.jpg)
© Sputnik / Андрей Стенин
/ Բաժանորդագրվել
Քրեական գործ է հարուցվել Երևանի ինֆեկցիոն հիվանդանոցում աղջկա մահվան դեպքի առթիվ