Մարիա Զախարովան ՌԴ ԱԳՆ–ի պաշտոնական ներկայացուցիչ է նշանակվել

ԵՐԵՎԱՆ, 10 օգոստոսի– Sputnik. Մարիա Զախարովան երկուշաբթի նշանակվել է ՌԴ արտգործնախարարության տեղեկատվության և մամուլի դեպարտամենտի տնօրենի պաշտոնում, տեղեկացրել են ՌԴ ԱԳՆ–ից։

Մարիա Զախարովան դարձել է առաջին կինը, ով զբաղեցրել է ՌԴ ԱԳՆ–ի պաշտոնական ներկայացուցչի պաշտոնը։

Զախարովան աշխատել է արտգործնախարարության համակարգում 1998 թ.–ից, այդ թվում զբաղեցրել է ՄԱԿ–ում Ռուսաստանի մշտական ներկայացուցչի մամուլի քարտուղարի պաշտոնը

2008–2011 թթ.–ին Զախարովան զբաղեցրել է տարբեր պաշտոններ նախարարության կենտրոնական աշխատակազմում։ 2011–2015 թթ.–ին զբաղեցրել է տեղեկատվության և մամուլի դեպարտամենտի տնօրեն Ալեքսանդր Լուկաշևիչի տեղակալի պաշտոնը։ Օգոստոսի սկզբին Լուկաշևիչը նշանակվեց ԵԱՀԿ–ում ՌԴ մշտական ներկայացուցիչ` այդ պաշտոնում փոխարինելով Անդրեյ Կյոլինին։ 

Զախարովան տիրապետում է անգլերեն և չինարեն լեզուների։ Ունի առաջին դասի խորհրդականի դիվանագիտական աստիճան։ Զախարովան Ռուսաստանի արտաքին և պաշտպանական քաղաքականության խորհրդի անդամ է։